ಗೃಹ ಜ್ಯೋತಿ ಯೋಜನೆ ಫಲಾನುಭವಿಗಳಿಗೆ ಸಿಹಿ ಸುದ್ದಿ! ಸರ್ಕಾರದಿಂದ ಹೊಸ ಘೋಷಣೆ

 ಗೃಹ ಜ್ಯೋತಿ ಯೋಜನೆ 2026: ಉಚಿತ ವಿದ್ಯುತ್ ಪಡೆಯಲು ಸರಾಸರಿ ಯೂನಿಟ್ ಲೆಕ್ಕ ಹಾಕುವುದು ಹೇಗೆ? ಬಾಡಿಗೆದಾರರ ಸಂಪೂರ್ಣ ನಿಯಮಗಳು, ಜೀರೋ ಬಿಲ್ ಬರದೇ ಇದ್ದರೆ ಮಾಡಬೇಕಾದ ತಕ್ಷಣದ ಪರಿಹಾರಗಳು ಮತ್ತು ಹೊಸ ಅಪ್ಡೇಟ್ಸ್!

ಭಾರತ ದೇಶದಲ್ಲಿ ತಂತ್ರಜ್ಞಾನ ಮತ್ತು ಅಭಿವೃದ್ಧಿಯಲ್ಲಿ ಮುಂಚೂಣಿಯಲ್ಲಿರುವ ಕರ್ನಾಟಕ ರಾಜ್ಯದ ಸಾರ್ವಜನಿಕರಿಗೆ ಆರ್ಥಿಕವಾಗಿ ಅತಿ ದೊಡ್ಡ ಕೊಡುಗೆಯಾಗಿ ಸಿಕ್ಕಿರುವುದು ಕಾಂಗ್ರೆಸ್  ಸರ್ಕಾರದ  ಪ್ರಸ್ತುತ ಜಾರಿಯಲ್ಲಿರುವ ಗ್ಯಾರಂಟಿ ಯೋಜನೆಗಳು. ಇತ್ತೀಚಿನ ಕಾಲದಲ್ಲಿ ದಿನಸಿ ಸಾಮಾನುಗಳು, ತರಕಾರಿಗಳು ಹಾಗೂ ಮನೆ ಬಾಡಿಗೆಗಳ ಎಲ್ಲದರ ರೇಟ್ ಜಾಸ್ತಿಯಾಗಿದ್ದು . ಸಾಮಾನ್ಯ ಜನರಿಗೆ ಕಠಿಣ ಪರಿಸ್ಥಿತಿಯಲ್ಲಿ ಮತ್ತು ಬಡ ಕುಟುಂಬಗಳ ತಿಂಗಳ ಸಂಬಳ ಕಡಿಮೆ ಇದ್ದು ಖರ್ಚು ಹೆಚ್ಚಾಗಿದೆ,ಕೆಲೊವೊಮ್ಮೆ ಮನೆ ನಡಿಸೋದು ದೊಡ್ಡ ಸವಾಲಾಗಿದೆ. ಇಂತಹ ಸಮಯದಲ್ಲಿ ಜನರಿಗೆ ತುಂಬಾ ಉಪಯೋಗವಾಗ್ತಿರೋ ಮತ್ತು ಹೆಚ್ಚು ಜನಪ್ರಿಯವಾಗಿರೋ ಯೋಜನೆ ಅಂದ್ರೆ ಕರ್ನಾಟಕ ಸರ್ಕಾರದ ” ‘ಗೃಹ ಜ್ಯೋತಿ ಯೋಜನೆ’ (Gruha Jyothi Scheme). ಈ ಯೋಜನೆಯಿಂದ  “ಪ್ರತಿಯೊಂದು ಮನೆಗೂ ತಿಂಗಳಿಗೆ ಗರಿಷ್ಠ 200 ಯೂನಿಟ್‌ಗಳವರೆಗೆ ಉಚಿತ ವಿದ್ಯುತ್” ಉಚಿತವಾಗಿ ನೀಡುವ ಈ ಮಹತ್ವಾಕಾಂಕ್ಷಿ ಸೌಲಭ್ಯವು ರಾಜ್ಯದ  ಕೋಟ್ಯಂತರ ಕುಟುಂಬಗಳ ವಿದ್ಯುತ್ ಬಿಲ್ ಹೊರೆಯನ್ನು ಸಂಪೂರ್ಣವಾಗಿ ಇಲ್ಲದಂತಾಗಿಸಿದೆ.

ಹೆಚ್ಚಾಗಿ ಬಡವರು, ಕೂಲಿ ಕಾರ್ಮಿಕರು, ಮಧ್ಯಮ ವರ್ಗದ ಕುಟುಂಬಗಳಿಗೆ ಈ ಯೋಜನೆ ದೊಡ್ಡ ಸಹಾಯ ಆಗಿದೆ. ಹಿಂದೆ ಪ್ರತಿ ತಿಂಗಳು ಕರೆಂಟ್ ಬಿಲ್‌ಗೆ ಹಣ ಬೇರ್ಪಡಿಸಬೇಕಾಗುತ್ತಿತ್ತು. ಈಗ ಆ ಹಣವನ್ನು ಮನೆ ಖರ್ಚು, ಮಕ್ಕಳ ಓದು, ದಿನಸಿ ಸಾಮಾನುಗಳಿಗೆ ಬಳಸಿಕೊಳ್ಳೋಕೆ ಆಗ್ತಿದೆ. ಅದಕ್ಕಾಗಿಯೇ ಗೃಹ ಜ್ಯೋತಿ ಯೋಜನೆ ಇವತ್ತಿನ ದಿನಗಳಲ್ಲಿ ಜನ ಸಾಮಾನ್ಯರ ಜೀವನಕ್ಕೆ ನಿಜವಾದ ಬೆಂಬಲವಾಗಿ ನಿಂತಿದೆ. 

ಆದ್ರೆ ಯೋಜನೆ ಶುರುವಾಗಿ ಇಷ್ಟು ದಿನ ಆದ್ರೂ ಕೂಡ ಇವತ್ತಿಗೂ ಹಲವರಿಗೆ ಗೃಹ ಜ್ಯೋತಿ ಬಗ್ಗೆ ಕ್ಲಿಯರ್ ಮಾಹಿತಿ ಇಲ್ಲ. ವಿಶೇಷವಾಗಿ ಹೊಸ ಮನೆಗೆ ಶಿಫ್ಟ್ ಆಗೋವರು, ಬಾಡಿಗೆ ಮನೆಯಲ್ಲಿ ಇರೋವರು ಮತ್ತು ಹೊಸದಾಗಿ ಅರ್ಜಿ ಹಾಕೋವರು ತುಂಬಾ ಗೊಂದಲದಲ್ಲೇ ಇದ್ದಾರೆ.

“ಸರ್ಕಾರ ನಮ್ಮ ಮನೆಯ Average Unit ಅನ್ನು ಹೇಗೆ ಲೆಕ್ಕ ಹಾಕುತ್ತೆ?,“ನಾವು 200 ಯೂನಿಟ್ ಒಳಗೇ ಕರೆಂಟ್ ಬಳಸಿದ್ರೂ ಯಾಕೆ ಜೀರೋ ಬಿಲ್ ಬರಲ್ಲ?“ಬಾಡಿಗೆ ಮನೆ ಅಥವಾ ಲೀಸ್ ಮನೆ ಇದ್ದರೆ ಯಾವ ದಾಖಲೆ ಬೇಕು?”, “ತಪ್ಪಾಗಿ ಹೆಚ್ಚು ಬಿಲ್ ಬಂದರೆ ಯಾರಿಗೆ ಕಂಪ್ಲೇಂಟ್ ಕೊಡ್ಬೇಕು?” ಅನ್ನೋ ಪ್ರಶ್ನೆಗಳು ಇವತ್ತಿಗೂ ಸಾಕಷ್ಟು ಜನರಲ್ಲಿ ಇದೆ.

ಬಹಳ ಜನರಿಗೆ ಒಂದು ದೊಡ್ಡ ತಪ್ಪು ಕಲ್ಪನೆ ಇದೆ. 200 ಯೂನಿಟ್ ಒಳಗೆ ಕರೆಂಟ್ ಬಳಕೆ ಮಾಡಿದ್ರೆ ಯಾವಾಗಲೂ ಸಂಪೂರ್ಣ ಫ್ರೀ ಅಂತ. ಆದ್ರೆ ಅಷ್ಟು ಸಿಂಪಲ್ ಅಲ್ಲ. ಸರ್ಕಾರ ನಿಮ್ಮ ಹಿಂದಿನ ವರ್ಷದ ಸರಾಸರಿ ಬಳಕೆ, ಹೆಚ್ಚುವರಿ ಯೂನಿಟ್, ಕೆಲವು ತಾಂತ್ರಿಕ ನಿಯಮಗಳು ಇವನ್ನೆಲ್ಲಾ ನೋಡಿ ಲೆಕ್ಕ ಹಾಕುತ್ತೆ. ಅದಕ್ಕೇ ಕೆಲವರಿಗೆ ಜೀರೋ ಬಿಲ್ ಬರುತ್ತೆ, ಇನ್ನೂ ಕೆಲವರಿಗೆ ಸ್ವಲ್ಪ amount ಪಾವತಿ ಮಾಡೋ ಪರಿಸ್ಥಿತಿ ಬರುತ್ತೆ.

ಇನ್ನೊಂದು ಕಡೆ ಬಾಡಿಗೆ ಮನೆಗೆ ಹೋಗೋವರು ಅಥವಾ ಮನೆ ಬದಲಾಯಿಸೋವರು “ಹಳೆಯ ಮಾಲೀಕರ ಹೆಸರಲ್ಲೇ ಮೀಟರ್ ಇದೆ, ಈಗ ನಾವು ಹೇಗೆ ಸೌಲಭ್ಯ ಪಡೆಯೋದು?” ಅಂತ ಕಂಗಾಲಾಗ್ತಾರೆ. ಕೆಲವರಿಗೆ ಆಧಾರ್ ಲಿಂಕ್ ಸಮಸ್ಯೆ, ಕೆಲವರಿಗೆ RR Number ಸಮಸ್ಯೆ, ಮತ್ತೆ ಕೆಲವರಿಗೆ ಅರ್ಜಿ Approve ಆಗದೇ ತೊಂದರೆ ಆಗ್ತಿದೆ.

ಒಂದು ವೇಳೆ ನೀವು ಸರಿಯಾದ ಮಿತಿಯಲ್ಲೇ ಕರೆಂಟ್ ಬಳಸಿದ್ರೂ ಹೆಚ್ಚಾಗಿ ಬಿಲ್ ಬಂದರೆ ಕೂಡ ಗಾಬರಿ ಪಡೋ ಅವಶ್ಯಕತೆ ಇಲ್ಲ. ಅದಕ್ಕೂ ಸರ್ಕಾರ ಮತ್ತು ಇಂಧನ ಇಲಾಖೆಯ ಮೂಲಕ ಪರಿಹಾರ ವ್ಯವಸ್ಥೆ ಇದೆ. BESCOM, MESCOM, HESCOM, CESC, ಜೆಸ್ಕಾಂ ಮುಂತಾದ ವಿದ್ಯುತ್ ಸರಬರಾಜು ಕಂಪನಿಗಳ ಮೂಲಕ ದೂರು ನೀಡಿ ಸಮಸ್ಯೆ ಪರಿಹರಿಸಿಕೊಳ್ಳಬಹುದು.

ಹಾಗಾದ್ರೆ “ಗೃಹ ಜ್ಯೋತಿ ಯೋಜನೆ”ಯ ಸಂಪೂರ್ಣ ನಿಯಮ ಏನು? Average Unit ಹೇಗೆ ಫಿಕ್ಸ್ ಮಾಡ್ತಾರೆ? ಜೀರೋ ಬಿಲ್ ಯಾವ ಸಂದರ್ಭಗಳಲ್ಲಿ ಬರುತ್ತೆ? ಬಾಡಿಗೆದಾರರು ಏನು ಮಾಡ್ಬೇಕು? ತಪ್ಪು ಬಿಲ್ ಬಂದರೆ ಎಲ್ಲಿ ಕಂಪ್ಲೇಂಟ್ ಕೊಡ್ಬೇಕು? ಅನ್ನೋದನ್ನ ಈ ಸುದೀರ್ಘ ಲೇಖನದಲ್ಲಿ ತುಂಬಾ ಸರಳವಾಗಿ, ಉದಾಹರಣೆಗಳ ಜೊತೆ ಸಂಪೂರ್ಣವಾಗಿ ತಿಳಿಯೋಣ.

ಗೃಹ ಜ್ಯೋತಿ ಯೋಜನೆಯ ಮುಖ್ಯ ಉದ್ದೇಶ ಮತ್ತು ಹಿನ್ನೆಲೆ

ಮನೆಯಲ್ಲಿ ಪ್ರತಿನಿತ್ಯ ಬಳಸುವ ಲೈಟ್, ಫ್ಯಾನ್, ಟಿವಿ, ರೆಫ್ರಿಜರೇಟರ್, ವಾಷಿಂಗ್ ಮಷಿನ್ ಹಾಗೂ ಮಿಕ್ಸಿಗಳ ಇತ್ಯಾದಿ ಎಲೆಕ್ಟ್ರಿಕಲ್ ಉಪಯುಕ್ತಗಳು ಕರೆಂಟ್ ಬಿಲ್ ಕಟ್ಟಲು ಮಧ್ಯಮ ವರ್ಗದ ಜನ ಸಾಮಾನ್ಯರು ತಿಂಗಳ ಕೊನೆಯಲ್ಲಿ ಸಾಲ ಮಾಡುವ ಪರಿಸ್ಥಿತಿ ಇತ್ತು. ಬೇಸಿಗೆ ಕಾಲ ಬಂದರಂತೂ ಕರೆಂಟ್ ಬಳಕೆ ಹೆಚ್ಚಾಗುತ್ತಿತ್ತು ಅದರಿಂದ ಕರೆಂಟ್ ಬಿಲ್  ಜಾಸ್ತಿ ಬರುತ್ತಿತ್ತು.ಆರ್ಥಿಕ ಹೊರೆಯನ್ನು ಸಾರ್ವಜನಿಕರ ತಲೆಯ ಮೇಲಿಂದ ಇಳಿಸಲು ಮತ್ತು ಪ್ರತಿಯೊಬ್ಬ ನಾಗರಿಕನಿಗೂ ಮೂಲಭೂತ ಅವಶ್ಯಕತೆಯಾದ ಅಗ್ಗದ ಅಥವಾ ಉಚಿತ ವಿದ್ಯುತ್ ಅನ್ನು ಒದಗಿಸಲು ಕರ್ನಾಟಕ ಸರ್ಕಾರವು ಈ “ಗೃಹ ಜ್ಯೋತಿ ಯೋಜನೆ”ಯನ್ನು ಜಾರಿಗೆ ತಂದಿತು.

ರಾಜ್ಯದ ಪ್ರಮುಖ ವಿದ್ಯುತ್ ಸರಬರಾಜು ಕಂಪನಿಗಳಾದ:

1. ಬೆಸ್ಕಾಂ (BESCOM): ಬೆಂಗಳೂರು ಮತ್ತು ಸುತ್ತಮುತ್ತಲಿನ ಜಿಲ್ಲೆಗಳು.
2. ಹೆಸ್ಕಾಂ (HESCOM): ಹುಬ್ಬಳ್ಳಿ -ಧಾರವಾಡ ಮತ್ತು ಉತ್ತರ ಕರ್ನಾಟಕ ಭಾಗ.
3. ಚೆಸ್ಕಾಂ (CHESCOM): ಮೈಸೂರು ಮತ್ತು ಮಂಡ್ಯ ಸುತ್ತಮುತ್ತಲಿನ ಜಿಲ್ಲೆಗಳು.
4. ಮೆಸ್ಕಾಂ (MESCOM): ಮಂಗಳೂರು ಮತ್ತು ಕರಾವಳಿ ಭಾಗಗಳು.
5. ಜscheme (GESCOM): ಕಲ್ಬುರ್ಗಿ ಮತ್ತು ಹೈದರಾಬಾದ್ ಕರ್ನಾಟಕ ಭಾಗಗಳು.

ಈ ಐದೂ ಕಂಪನಿಗಳ ವ್ಯಾಪ್ತಿಯಲ್ಲಿ ಬರುವ ಎಲ್ಲಾ ಗೃಹಬಳಕೆಯ ಗ್ರಾಹಕರಿಗೂ ಈ ಯೋಜನೆ ಅನ್ವಯವಾಗುತ್ತದೆ. ಆದರೆ ಇಲ್ಲಿ ನೆನಪಿಡಬೇಕಾದ ಅತ್ಯಂತ ಪ್ರಮುಖ ನಿಯಮವೆಂದರೆ, ಇದು ಕೇವಲ ಗೃಹಬಳಕೆಯ (Domestic / Residential Connection) ಮೀಟರ್‌ಗಳಿಗೆ ಮಾತ್ರ ಸೀಮಿತವಾಗಿದೆ. ಯಾವುದೇ ರೀತಿಯ ವಾಣಿಜ್ಯ ಬಳಕೆಯ (Commercial), ಅಂದರೆ ಸಣ್ಣ ಮತ್ತು ದೊಡ್ಡ ಅಂಗಡಿಗಳು, ಗ್ಯಾರೇಜ್‌ಗಳು, ಹೋಟೆಲ್‌ಗಳು, ರೆಸ್ಟೋರೆಂಟ್‌ಗಳು, ಖಾಸಗಿ ಕ್ಲಿನಿಕ್‌ಗಳು ಅಥವಾ ಆಫೀಸ್‌ ಇತ್ಯಾದಿ ಗಳಿಗೆ ಈ ಉಚಿತ ವಿದ್ಯುತ್ ಯೋಜನೆ ಯಾವುದೇ ಕಾರಣಕ್ಕೂ ಉಪಯೋಗಿಸುವುದಕ್ಕೆ ಅನ್ವಯಿಸುವುದಿಲ್ಲ.

ಉಚಿತ ವಿದ್ಯುತ್ ಪಡೆಯಲು ಇರಬೇಕಾದ ಕಡ್ಡಾಯ ಅರ್ಹತೆಗಳು ಮತ್ತು ನಿಯಮಗಳು

 ಗೃಹ ಜ್ಯೋತಿ ಯೋಜನೆಯಡಿ ಉಚಿತ ವಿದ್ಯುತ್ ಪಡೆಯಲು ಯಾರೆಲ್ಲಾ ಅರ್ಹರು ಮತ್ತು ಸರ್ಕಾರ ವಿಧಿಸಿರುವ ಕಟ್ಟುನಿಟ್ಟಾದ ನಿಯಮಗಳಾ ಪಟ್ಟಿ ಕೆಳಗೆ ಉಲ್ಲೇಖಿಸಲಾಗಿದೆ:

• ಕರ್ನಾಟಕದ ಖಾಯಂ ನಿವಾಸಿ: ಅರ್ಜಿದಾರರು ಕಡ್ಡಾಯವಾಗಿ ಕರ್ನಾಟಕ ರಾಜ್ಯದ ಒಳಗಡೆಯೇ ವಾಸಿಸುತ್ತಿರಬೇಕು ಮತ್ತು ಅದಕ್ಕೆ ತಕ್ಕ ವಿಳಾಸದ ಪುರಾವೆ(ಪ್ರೂಫ್) ಹೊಂದಿರಬೇಕು.
• ಒಂದು ಮನೆಗೆ ಒಂದು ಸಂಪರ್ಕ ಮಾತ್ರ (One House One Connection): ಒಬ್ಬ ವ್ಯಕ್ತಿಯ ಹೆಸರಿನಲ್ಲಿ ಅಥವಾ ಒಂದು ಕುಟುಂಬದ  ಸದಸ್ಯನ ಹೆಸರಿನಲ್ಲಿ ರಾಜ್ಯದ ಬೇರೆ ಬೇರೆ ಊರುಗಳಲ್ಲಿ ಎಷ್ಟು ಮನೆಗಳೇ ಇದ್ದರೂ, ಆ ಕುಟುಂಬವು ಕೇವಲ ಯಾವುದಾದರೂ ಒಂದು ಮನೆಗೆ ಅಥವಾ ಒಂದು ಕರೆಂಟ್ ಮೀಟರ್‌ಗೆ ಮಾತ್ರ ಉಚಿತ ವಿದ್ಯುತ್ ಸೌಲಭ್ಯವನ್ನು ಪಡೆಯಲು ಆತ ಅರ್ಹನಾಗಿರುತ್ತಾನೆ. ಉಳಿದ ಮನೆಗಳಿಗೆ ಸಾಮಾನ್ಯ ದರದಲ್ಲೇ ಬಿಲ್ ಪಾವತಿಸಬೇಕು ಎಂದು ಘೋಷಿಸಿದ್ದರು .
• ಆಧಾರ್ ಲಿಂಕಿಂಗ್ ಕಡ್ಡಾಯ: ಗ್ರಾಹಕನ ವಿದ್ಯುತ್ ಇನ್‌ಸ್ಟಾಲೇಶನ್ ಸಂಖ್ಯೆ (Account ID / RR Number) ಜೊತೆಗೆ ಆತನ ಆಧಾರ್ ಕಾರ್ಡ್ ಕಡ್ಡಾಯವಾಗಿ ಲಿಂಕ್ ಮಾಡಿರಬೇಕು .  ಆಧಾರ್ ಕಾರ್ಡ್ ಇಲ್ಲದಿದ್ದರೆ ಅರ್ಜಿ ಸಲ್ಲಿಕೆ ಅಸಾಧ್ಯ ಎಂದು ಘೋಷಿಸಿದ್ದರು .
• ಹಳೇ ಬಿಲ್ ಬಾಕಿ ಇರಬಾರದು: ಯೋಜನೆಗೆ ಆನ್‌ಲೈನ್‌ನಲ್ಲಿ ನೊಂದಹಿಸುವ ಮೂಲಕ   ಗ್ರಾಹಕರು ತಮ್ಮ ಹಿಂದಿನ ಎಲ್ಲಾ ತಿಂಗಳ ವಿದ್ಯುತ್ ಬಿಲ್ ಬಾಕಿಯನ್ನು (Arrears Amount) ಸಂಪೂರ್ಣವಾಗಿ ಪಾವತಿ ಮಾಡಿ ಬಿಲ್ ಕ್ಲಿಯರ್( clear) ಮಾಡಿರಬೇಕು. ಹಳೇ ಬಾಕಿ ಹಣ ಹಾಗೇ ಉಳಿಸಿಕೊಂಡಿದ್ದರೆ ನಿಮಗೆ ಉಚಿತವಾಗಿ ವಿದ್ಯುತ್ ಸೌಲಭ್ಯದ ಲಾಭ ಸಿಗುವುದಿಲ್ಲ.

ಸರಾಸರಿ ಯೂನಿಟ್ (Average Unit) ಲೆಕ್ಕಾಚಾರ ಹೇಗೆ ಮಾಡುತ್ತಾರೆ? (The Secret Formula)

ಬಹಳಷ್ಟು ಸಾರ್ವಜನಿಕರು ಇಂದಿಗೂ “ಸರ್ಕಾರ 200 ಯೂನಿಟ್‌ವರೆಗೆ ಉಚಿತ ವಿದ್ಯುತ್ ಎಂದು ಘೋಷಣೆ ಮಾಡಿದ್ದಾರೆ , ಹಾಗಾಗಿ ನಾವು ಪ್ರತಿ ತಿಂಗಳು 180 ಅಥವಾ 190 ಯೂನಿಟ್ ಬಳಸಿದರೂ ನಮಗೆ ಬಿಲ್ ಬರುವುದಿಲ್ಲ” ಎಂದು ತಪ್ಪು ಕಲ್ಪನೆ  ಹೊಂದಿದ್ದಾರೆ. ಆದರೆ ನಿಜವಾದ ಗವರ್ನಮೆಂಟ್  ಬುದ್ದಿವಂತಿಕೆಯ ನಿಯಮವೇ ಬೇರೆಯೇ ಇದೆ. ಸರ್ಕಾರವು ನಿಮ್ಮ ಇಡೀ ವರ್ಷದ ಹಿಂದಿನ ಬಳಕೆಯನ್ನು ಆಧರಿಸಿ ನಿಮಗಾಗಿಯೇ ಒಂದು ‘ಅರ್ಹ ಉಚಿತ ಯೂನಿಟ್ ಮಿತಿ’ಯನ್ನು (Entitled Units Limit) ನಿಗದಿಪಡಿಸುತ್ತದೆ. ಅದನ್ನು ಲೆಕ್ಕ ಹಾಕುವ ಗಣಿತದ ಸೂತ್ರ ಇಲ್ಲಿದೆ:

ಸರಾಸರಿ ಲೆಕ್ಕಾಚಾರದ ಹಂತಗಳು:

1. 12 ತಿಂಗಳ ಒಟ್ಟು ಬಳಕೆ: ಸರ್ಕಾರವು ನಿಮ್ಮ ಈಗಿನ  ಕರೆಂಟ್ ಮೀಟರ್‌ಗೆ ಸಂಬಂಧಿಸಿದಂತೆ ಕಳೆದ ಒಂದು ವರ್ಷದ (ಹಣಕಾಸು ವರ್ಷದ) ಒಟ್ಟು ವಿದ್ಯುತ್ ಬಳಕೆಯ ಯೂನಿಟ್‌ಗಳ ದಾಖಲೆಯನ್ನು ಕಂಪ್ಯೂಟರ್ ನಲ್ಲಿ ನೋಡುತ್ತದೆ.ಅದನ್ನಾಧರಿಸಿ ನಿಮ್ಮ ಮನೆಯ ಸರಾಸರಿ ಯೂನಿಟ್ ಎಷ್ಟು ಅಂತ ಲೆಕ್ಕ ಹಾಕುತ್ತಾರೆ.
2. ತಿಂಗಳ ಸರಾಸರಿ (Monthly Average): ಆ ಒಂದು ತಿಂಗಳಲ್ಲಿ  ಒಟ್ಟು ಬಳಸಿದ ಯೂನಿಟ್‌ಗಳನ್ನು 12 ತಿಂಗಳುಗಳಿಂದ ಭಾಗಿಸಿ, ನಿಮ್ಮ ಒಂದು ತಿಂಗಳ ಸರಾಸರಿ ಬಳಕೆಯನ್ನು (Average Consumer Units) ಕಂಡುಹಿಡಿಯಲಾಗುತ್ತದೆ.
3. ಶೇಕಡಾ 10% ರಷ್ಟು ಹೆಚ್ಚುವರಿ (10% Buffer Units): ನಿಮ್ಮಮನೆಯ ಒಂದು ತಿಂಗಳ ಸರಾಸರಿ ಯೂನಿಟ್‌ಗೆ ಹೆಚ್ಚುವರಿಯಾಗಿ ಪ್ರೋತ್ಸಾಹಕ ರೂಪದಲ್ಲಿ ಶೇಕಡಾ 10% ರಷ್ಟು ಯೂನಿಟ್‌ಗಳನ್ನು ಸರ್ಕಾರವೇ ಉಚಿತವಾಗಿ ಸೇರಿಸಿ ನೀಡುತ್ತದೆ .

ಯೂನಿಟ್ ಲೆಕ್ಕಾಚಾರದ ಲೈವ್ ಉದಾಹರಣೆ:

ನಿಮ್ಮ ಮನೆಯ ಹಿಂದಿನ 12 ತಿಂಗಳ ಒಟ್ಟು ವಿದ್ಯುತ್ ಬಳಕೆ 1200 ಯೂನಿಟ್ ಆಗಿತ್ತು ಎಂದು ಭಾವಿಸೋಣ.

• ಆಗ ನಿಮ್ಮ ತಿಂಗಳ ಸರಾಸರಿ ಬಳಕೆ:
  $$1200 \div 12 = 100 \text{ ಯೂನಿಟ್}$$
  
• ಇದಕ್ಕೆ ಸರ್ಕಾರದ ನಿಯಮದಂತೆ 10% ಬಫರ್ ಸೇರಿಸಿದರೆ:
  $$100 + 10 = 110 \text{ ಯೂನಿಟ್}$$
  
• ಅಂದರೆ, ನಿಮ್ಮ ಮನೆಗೆ ಮಂಜೂರಾದ ಒಟ್ಟು ಉಚಿತ ಯೂನಿಟ್‌ಗಳ ಗರಿಷ್ಠ ಮಿತಿ 110 ಯೂನಿಟ್‌ಗಳು ಮಾತ್ರ (200 ಯೂನಿಟ್ ಅಲ್ಲ!). ಇದನ್ನೇ ಬಿಲ್‌ನಲ್ಲಿ ‘Entitled Units’ ಎಂದು ಬರೆಯಲಾಗಿರುತ್ತದೆ.

ಬಿಲ್ ಬರುವ ಮೂರು ವಿಭಿನ್ನ ಪರಿಸ್ಥಿತಿಗಳು (Three Situations):

• ಪರಿಸ್ಥಿತಿ 1 (ಸಂಪೂರ್ಣ ಜೀರೋ ಬಿಲ್): ಯಾವುದೇ ಒಂದು ತಿಂಗಳು ನಿಮ್ಮ ಮನೆಯ ನಿಜವಾದ  ಕರೆಂಟ್ ಬಳಕೆ 110 ಯೂನಿಟ್‌ಗಿಂತ ಒಳಗಿದ್ದರೆ (ಉದಾಹರಣೆಗೆ ನೀವು ಕೇವತ 95 ಯೂನಿಟ್ ಬಳಸಿದ್ದರೆ), ನಿಮಗೆ ಆ ತಿಂಗಳು ಸಂಪೂರ್ಣವಾಗಿ ಜೀರೋ ಬಿಲ್ (ನಿವ್ವಳ ಮೊತ್ತ ₹0) ಬರುತ್ತದೆ. ನೀವು ಒಂದು ರೂಪಾಯಿಯೂ ಸರ್ಕಾರಕ್ಕೆ ಕಟ್ಟಬೇಕಾಗಿಲ್ಲ.
• ಪರಿಸ್ಥಿತಿ 2 (ಭಾಗಶಃ ಬಿಲ್ – Partial Bill): ಒಂದು ವೇಳೆ ನೀವು ನಿಮ್ಮ ನಿಗದಿತ ಮಿತಿಗಿಂತ (110 ಯೂನಿಟ್) ಹೆಚ್ಚು ಆದರೆ 200 ಯೂನಿಟ್‌ಗಿಂತ ಕಡಿಮೆ ಬಳಸಿದರೆ (ಉದಾಹರಣೆಗೆ ಹಬ್ಬದ ದಿನಗಳಲ್ಲಿ ಹೆಚ್ಚಾಗಿ ಬಳಸಿ 140 ಯೂನಿಟ್ ಬಿಲ್ ಬಂದರೆ), ನಿಗದಿತ ಮಿತಿಗಿಂತ ಹೆಚ್ಚುವರಿಯಾಗಿ ಬಳಸಿದ 30 ಯೂನಿಟ್‌ಗಳಿಗೆ ($140 – 110 = 30$) ಮಾತ್ರ ನೀವು ಸರ್ಕಾರದ ದರದಂತೆ ಹಣ ಪಾವತಿಸಬೇಕಾಗುತ್ತದೆ. ಉಳಿದ 110 ಯೂನಿಟ್ ಉಚಿತವಾಗಿರುತ್ತದೆ.
• ಪರಿಸ್ಥಿತಿ 3 (ಪೂರ್ತಿ ಬಿಲ್ ಪಾವತಿ – No Subsidy): ನಿಮ್ಮ ಮನೆಯ ವಿದ್ಯುತ್ ಬಳಕೆ ಯಾವುದೇ ಒಂದು ತಿಂಗಳು 200 ಯೂನಿಟ್‌ಗಿಂತ ಒಂದು ಯೂನಿಟ್ ಜಾಸ್ತಿ ಆದರೂ (ಅಂದರೆ 201 ಯೂನಿಟ್ ಆದರೆ), ನಿಮಗೆ ಆ ತಿಂಗಳು ಯಾವುದೇ ರೀತಿಯ ಸರ್ಕಾರಿ ಸಬ್ಸಿಡಿ ಅಥವಾ ರಿಯಾಯಿತಿ ಸಿಗುವುದಿಲ್ಲ. ನೀವು ಪೂರ್ತಿ 201 ಯೂನಿಟ್‌ಗಳ ಸಂಪೂರ್ಣ ಬಿಲ್ ಮೊತ್ತವನ್ನು (Fixed charges + Tax ಸೇರಿ) ಕಡ್ಡಾಯವಾಗಿ ನಿಮ್ಮ ಸ್ವಂತ ಜೇಬಿನಿಂದ ಪಾವತಿಸಬೇಕಾಗುತ್ತದೆ.

ಬಾಡಿಗೆ ಮನೆಯಲ್ಲಿ ಇರುವವರು ಅರ್ಜಿ ಸಲ್ಲಿಸುವುದು ಹೇಗೆ? (Complete Rules for Tenants)

ಕರ್ನಾಟಕದಲ್ಲಿ ಸ್ವಂತ ಮನೆ ಇಲ್ಲದೆ ಲಕ್ಷಾಂತರ ಕುಟುಂಬಗಳು ಬಾಡಿಗೆ ಮನೆಗಳಲ್ಲಿ ಅಥವಾ ಲೀಸ್ (ಭೋಗ್ಯ) ಮನೆಗಳಲ್ಲಿ ವಾಸಿಸುತ್ತಿದ್ದಾರೆ ಎಂಬುದನ್ನರಿತು . ಇವರಿಗೂ ಸಹ ಸಿದ್ದರಾಮಯ್ಯ ಅವರ ಕಾಂಗ್ರೆಸ್  ಸರ್ಕಾರ ” ಗೃಹ  ಜ್ಯೋತಿ ಯೋಜನೆ”ಯು ಸಂಪೂರ್ಣವಾಗಿ ಅನ್ವಯಿಸುತ್ತದೆ ಎಂದು ಇಂಧನ ಇಲಾಖೆ ಸ್ಪಷ್ಟಪಡಿಸಿದೆ. ಬಾಡಿಗೆದಾರರು ಉಚಿತ ವಿದ್ಯುತ್ ಪಡೆಯಲು ಅನುಸರಿಸಬೇಕಾದ ನಿಯಮಗಳು ಮತ್ತು ಹಂತಗಳು ಇಲ್ಲಿವೆ:

• ಆರ್ಆರ್ ಸಂಖ್ಯೆ ಮತ್ತು ಆಧಾರ್ ಲಿಂಕ್: ಬಾಡಿಗೆ ಮನೆಗೆ ಇರುವ ಕರೆಂಟ್ ಮೀಟರ್‌ನ ಆರ್‌ಆರ್ ಸಂಖ್ಯೆ (RR Number / Customer Account ID) ಮತ್ತು ಪ್ರಸ್ತುತ ಆ ಮನೆಯಲ್ಲಿ ವಾಸಿಸುತ್ತಿರುವ ಬಾಡಿಗೆದಾರರ (Tenant) ಆಧಾರ್ ಕಾರ್ಡ್ ಅನ್ನು ಪರಸ್ಪರ ಲಿಂಕ್ ಮಾಡಬೇಕು. ಇಲ್ಲಿ ಮಾಲೀಕರ ಆಧಾರ್ ಕಾರ್ಡ್ ಅಗತ್ಯವಿರುವುದಿಲ್ಲ.
• ಬಾಡಿಗೆ ಕರಾರು ಪತ್ರ (Rental Agreement): ನೀವು ಆ ಮನೆಯಲ್ಲಿ ಬಾಡಿಗೆಗೆ ಇರುವುದಕ್ಕೆ ಕಾನೂನಾತ್ಮಕ ಸಾಕ್ಷಿಯಾಗಿ ಚಾಲ್ತಿಯಲ್ಲಿರುವ ನೋಟರಿ ಅಥವಾ ಸಾಮಾನ್ಯ ಬಾಡಿಗೆ ಒಪ್ಪಂದದ ಪತ್ರವನ್ನು (Rental Agreement / Lease Deed) ಹೊಂದಿರಬೇಕು. ಅರ್ಜಿ ಸಲ್ಲಿಸುವಾಗ ಇದರ ಸಂಪೂರ್ಣ ಮಾಹಿತಿ  ಕೇಳಲಾಗುತ್ತದೆ.
• ವಿಳಾಸದ ಪುರಾವೆ (Address Proof): ನಿಮ್ಮ ಆಧಾರ್ ಕಾರ್ಡ್‌ನಲ್ಲಿ ನಿಮ್ಮ ಸ್ವಂತ ಊರಿನ ವಿಳಾಸವಿದ್ದರೂ( address) ಯಾವುದೇ ತೊಂದರೆಯಿಲ್ಲ. ಆದರೆ ನಿಮ್ಮ ಬಾಡಿಗೆ ಕರಾರು ಪತ್ರದಲ್ಲಿ ನೀವು ಸದ್ಯ ವಾಸವಿರುವ ಬಾಡಿಗೆ ಮನೆಯ ವಿಳಾಸ ಕರಾರುವಕ್ಕಾಗಿ ಇರಬೇಕು ಎಂದು ಘೋಷಿಸಿದ್ದಾರೆ .
• ಒಂದು ವೇಳೆ ಬಾಡಿಗೆ ಮನೆ ಬದಲಾಯಿಸಿದರೆ (How to Change Address?):
  ಇದು ಸಾರ್ವಜನಿಕರು ಪದೇ ಪದೇ ಕೇಳುವ ಪ್ರಶ್ನೆಯಾಗಿದೆ. ನೀವು ಹಳೇ ಬಾಡಿಗೆ ಮನೆಯನ್ನು ಖಾಲಿ ಮಾಡಿ ಹೊಸ ಬಾಡಿಗೆ ಮನೆಗೆ ಹೋದಾಗ, ಹಳೇ ಮನೆಯ ಕರೆಂಟ್ ಮೀಟರ್ ಸಂಖ್ಯೆಗೆ ಲಿಂಕ್ ಆಗಿರುವ ನಿಮ್ಮ ಆಧಾರ್ ಕಾರ್ಡ್ ಲಿಂಕ್ ಅನ್ನು ಮೊದಲು ರದ್ದುಗೊಳಿಸಬೇಕು (De-link / Cancel Registration). ಇದನ್ನು ನಿಮ್ಮ ಹತ್ತಿರದ ವಿದ್ಯುತ್ ಕಚೇರಿಯಲ್ಲಿ ಅಥವಾ ಸೇವಾ ಸಿಂಧು ಲಾಗಿನ್‌ನಲ್ಲಿ ಮಾಡಬಹುದು. ಅದರ ನಂತರ ಹೊಸ ಬಾಡಿಗೆ ಮನೆಯ ವಿದ್ಯುತ್ ಅಕೌಂಟ್ ಐಡಿಗೆ ನಿಮ್ಮ ಆಧಾರ್ ಕಾರ್ಡ್ ಅನ್ನು ಹೊಸದಾಗಿ ನೋಂದಣಿ (Fresh Registration) ಮಾಡಿಕೊಳ್ಳಬೇಕು. ಹೀಗೆ ಮಾಡಿದರೆ ಹೊಸ ಮನೆಯಲ್ಲೂ ಉಚಿತ ವಿದ್ಯುತ್ ಬಳಕೆಯನ್ನು ಮುಂದುವರಿಯುತ್ತದೆ.

ನಮಗೆ ಯಾಕೆ ಜೀರೋ ಬಿಲ್ (Zero Bill) ಬರುತ್ತಿಲ್ಲ? ಪ್ರಮುಖ ಕಾರಣಗಳು ಮತ್ತು ತಕ್ಷಣದ ಪರಿಹಾರಗಳು

ನಮ್ಮ ತಿಂಗಳ ಕರೆಂಟ್ ಬಳಕೆ   100 ಯೂನಿಟ್ ಕಡಿಮೆ ಇದೆ, ಆದರೂ ನಮಗೆ ಬಿಲ್ ಬಂದಿದೆ, ಜೀರೋ ಬಿಲ್ ಬಂದಿಲ್ಲ ಎಂದು ಪ್ರತಿನಿತ್ಯ ಸಾವಿರಾರು ಸಾರ್ವಜನಿಕರು ಗೊಂದಲ  ಪಡುತ್ತಾರೆ. ನಿಮ್ಮ ಮನೆಗೂ ಬಿಲ್ ಬಂದಿದ್ದರೆ ಕೆಳಗಿನ ನಾಲ್ಕು ಪ್ರಮುಖ ಕಾರಣಗಳು ಇರಬಹುದು:

ಕಾರಣ 1: ಅರ್ಜಿ ಇನ್ನು ಪ್ರಕ್ರಿಯೆಯಲ್ಲಿದೆ (Status Pending)

ನೀವು ಸೈಬರ್ ಸೆಂಟರ್ ಅಥವಾ ಮೊಬೈಲ್ ಮೂಲಕ ಅರ್ಜಿ ಸಲ್ಲಿಸಿದ ತಕ್ಷಣ ಮುಂದಿನ ತಿಂಗಳಿನಿಂದಲೇ ಉಚಿತ ವಿದ್ಯುತ್ ಸಿಗುವುದಿಲ್ಲ. ನೀವು ಸಲ್ಲಿಸಿದ ದಾಖಲೆಗಳನ್ನು ನಿಮ್ಮ ಭಾಗದ ವಿದ್ಯುತ್ ಕಂಪನಿಯ (ಬೆಸ್ಕಾಂ/ಹೆಸ್ಕಾಂ) ಅಧಿಕಾರಿಗಳು ಭೌತಿಕವಾಗಿ ಪರಿಶೀಲಿಸಿ ‘Approved’ ಎಂದು ಕಂಪ್ಯೂಟರ್‌ನಲ್ಲಿ ಎಲ್ಲವನ್ನು ತಿದ್ದುಪಡಿ ಮಾಡಿ  ಅಪ್ಡೇಟ್ ಮಾಡಬೇಕು. ಅಲ್ಲಿಯವರೆಗೆ ನಿಮಗೆ ಕರೆಂಟ್  ಬಿಲ್ ಬರುತ್ತದೆ. ಸೇವಾ ಸಿಂಧು ವೆಬ್‌ಸೈಟ್‌ಗೆ ಹೋಗಿ ನಿಮ್ಮ ಕರೆಂಟ್ ಬಿಲ್  ಅಪ್ಲಿಕೇಶನ್ ಸ್ಟೇಟಸ್ ಚೆಕ್ ಮಾಡಿ.

2. ಆಧಾರ್ ಕಾರ್ಡ್ ಹೆಸರು ಮತ್ತು ಬಿಲ್ ಹೆಸರು ಮಿಸ್‌ಮ್ಯಾಚ್ (Name Mismatch)

ವಿದ್ಯುತ್ ಬಿಲ್‌ನಲ್ಲಿರುವ ಮಾಲೀಕರ ಹೆಸರು ಮತ್ತು ನಿಮ್ಮ ಆಧಾರ್ ಕಾರ್ಡ್‌ನಲ್ಲಿರುವ ಹೆಸರು ಅತಿಯಾದ ವ್ಯತ್ಯಾಸವಿದ್ದರೆ ಅಥವಾ ಸ್ಪೆಲ್ಲಿಂಗ್ ಮಿಸ್ಟೇಕ್ ಇದ್ದರೆ ತಾಂತ್ರಿಕ ಕಾರಣಗಳಿಂದ ಕಂಪ್ಯೂಟರ್ ಸಾಫ್ಟ್‌ವೇರ್ ಸಬ್ಸಿಡಿಯನ್ನು ತಡೆಹಿಡಿಯುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ  ನಿಮ್ಮ ಹತ್ತಿರದ ವಿದ್ಯುತ್ ಉಪ-ವಿಭಾಗ ಕಚೇರಿಗೆ (Sub-division office) ಭೇಟಿ ನೀಡಿ ಹೆಸರನ್ನು ಸರಿಪಡಿಸಿಕೊಳ್ಳಬೇಕು.

3. ಹಳೆಯ ಬಿಲ್ ಬಾಕಿ ಉಳಿಸಿಕೊಂಡಿರುವುದು (Pending Arrears)

ನಿಮ್ಮ ವಿದ್ಯುತ್ ಖಾತೆಯಲ್ಲಿ ಈ ಹಿಂದಿನ ತಿಂಗಳುಗಳ ಕೇವಲ 5 ಅಥವಾ 10 ರೂಪಾಯಿ ಬಿಲ್ ಬಾಕಿ (Arrears) ಉಳಿದಿದ್ದರೂ ಸಹ, ಆಟೋಮ್ಯಾಟಿಕ್ ಸಾಫ್ಟ್‌ವೇರ್ ಸಿಸ್ಟಮ್ ತಾನಾಗಿಯೇ ಉಚಿತ ವಿದ್ಯುತ್ ಸಬ್ಸಿಡಿಯನ್ನು ಆ ತಿಂಗಳಿಗೆ ತಡೆಹಿಡಿಯುತ್ತದೆ. ಆದ್ದರಿಂದ ನಿಮ್ಮ ಎಲ್ಲಾ ಹಳೆಯ ಬಾಕಿ ಹಣವನ್ನು ಸಂಪೂರ್ಣವಾಗಿ ಪಾವತಿಸಿ ಶೂನ್ಯ (Clear) ಮಾಡಿ.

4. ಮೀಟರ್ ದೋಷ ಅಥವಾ ಲೇಟ್ ರೀಡಿಂಗ್ (Meter Reading Issue)

ಕೆಲವೊಮ್ಮೆ ಮೀಟರ್ ರೀಡರ್ ಮಾಡುವ ವ್ಯಕ್ತಿಯು ತಿಂಗಳ ಕೊನೆಯಲ್ಲಿ 30 ದಿನಗಳ ಬದಲಾಗಿ 35 ಅಥವಾ 38 ದಿನಗಳಿಗೆ ಬಂದು ರೀಡಿಂಗ್ ತೆಗೆದುಕೊಂಡರೆ, ನಿಮ್ಮ ಯೂನಿಟ್ ಬಳಕೆ ತಾನಾಗಿಯೇ ನಿಮ್ಮ ಮಿತಿಯನ್ನು ದಾಟಿಬಿಡುತ್ತದೆ. ಇಂತಹ ಸಮಯದಲ್ಲಿ ಬಿಲ್‌ನಲ್ಲಿ ಫಿಕ್ಸೆಡ್ ಚಾರ್ಜಸ್ (Fixed Charges) ಮತ್ತು ತೆರಿಗೆಗಳನ್ನು ಸೇರಿಸಿ ಪೂರ್ತಿ ಬಿಲ್ ನೀಡಲಾಗುತ್ತದೆ. ಇದರ ವಿರುದ್ಧ ನೀವು ನಿಮ್ಮ ಭಾಗದ ಸೆಕ್ಷನ್ ಆಫೀಸರ್‌ಗೆ ಲಿಖಿತ ದೂರು ನೀಡಬಹುದು.

ಗೃಹ ಜ್ಯೋತಿ ಯೋಜನೆಗೆ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸುವ ಸಂಪೂರ್ಣ ಹಂತ ಹಂತದ ವಿಧಾನ

ನೀವು ಇನ್ನು ಇಷ್ಟು ದಿನ ಈ ಯೋಜನೆಗೆ ನೋಂದಣಿ ಮಾಡಿಕೊಳ್ಳದಿದ್ದರೆ, ಯಾವುದೇ ಮಧ್ಯವರ್ತಿಗಳ ಸಹಾಯವಿಲ್ಲದೆ ಹಣ ಖರ್ಚು ಇಲ್ಲದೆ ನಿಮ್ಮ ಮೊಬೈಲ್ ಅಥವಾ ಲ್ಯಾಪ್‌ಟಾಪ್ ಮೂಲಕವೇ ಉಚಿತವಾಗಿ ಅರ್ಜಿ ಸಲ್ಲಿಸಬಹುದು:

1. ವೆಬ್‌ಸೈಟ್‌ಗೆ ಭೇಟಿ ನೀಡಿ: ಕರ್ನಾಟಕ ಸರ್ಕಾರದ ಅಧಿಕೃತ ಸೇವಾ ಸಿಂಧು (Seva Sindhu) ವೆಬ್‌ಸೈಟ್ ಪೋರ್ಟಲ್‌ಗೆ ಭೇಟಿ ನೀಡಿ.
2. ಲಿಂಕ್ ಆಯ್ಕೆ ಮಾಡಿ: ಹೋಮ್ ಪೇಜ್‌ನಲ್ಲಿ ಕಾಣಿಸುವ “ಗೃಹ ಜ್ಯೋತಿ ಯೋಜನೆಗೆ ಅರ್ಜಿ ಸಲ್ಲಿಕೆ (Application for Gruha Jyothi Scheme)” ಲಿಂಕ್ ಮೇಲೆ ಕ್ಲಿಕ್ ಮಾಡಿ.
3. ಖಾತೆ ಐಡಿ ನಮೂದಿಸಿ: ನಿಮ್ಮ ವಿದ್ಯುತ್ ಸರಬರಾಜು ಕಂಪನಿಯನ್ನು (BESCOM, HESCOM, CHESCOM ಇತ್ಯಾದಿ) ಸೆಲೆಕ್ಟ್ ಮಾಡಿ, ನಿಮ್ಮ ಕರೆಂಟ್ ಬಿಲ್‌ನ ಮೇಲ್ಭಾಗದಲ್ಲಿರುವ 10 ಅಂಕಿಗಳ ಖಾತೆ ಐಡಿ (Account ID / RR Number) ಅನ್ನು ನಮೂದಿಸಿ.
4. ಹೆಸರು ಪರಿಶೀಲಿಸಿ: ಖಾತೆ ಐಡಿ ಹಾಕಿದ ತಕ್ಷಣ ನಿಮ್ಮ ಮೀಟರ್ ಯಾರ ಹೆಸರಿನಲ್ಲಿದೆ ಎಂಬ ಮಾಲೀಕರ ಹೆಸರು ಆಟೋಮ್ಯಾಟಿಕ್ ಆಗಿ ಕೆಳಗಿನ ಬಾಕ್ಸ್‌ನಲ್ಲಿ ಮೂಡುತ್ತದೆ. ಅದು ಸರಿಯಾಗಿದೆಯೇ ಎಂದು ಪರಿಶೀಲಿಸಿ.
5. ಆಧಾರ್ ವೆರಿಫಿಕೇಶನ್: ನಂತರ ಅರ್ಜಿದಾರರ ಆಧಾರ್ ಕಾರ್ಡ್ ಸಂಖ್ಯೆಯನ್ನು ನಮೂದಿಸಿ, ನಿಮ್ಮ ಆಧಾರ್ ಲಿಂಕ್ ಆಗಿರುವ ಮೊಬೈಲ್‌ಗೆ ಬರುವ ಒಟಿಪಿ (OTP) ಸಂಖ್ಯೆಯನ್ನು ಹಾಕಿ ವೆರಿಫಿಕೇಶನ್ ಪೂರ್ಣಗೊಳಿಸಿ.
6. ಸ್ಥಿತಿ ಆಯ್ಕೆ ಮಾಡಿ: ನೀವು ಆ ಮನೆಯ ಸ್ವಂತ ಮಾಲೀಕರೋ (Owner) ಅಥವಾ ಬಾಡಿಗೆದಾರರೋ (Tenant) ಎಂಬುದನ್ನು ಕರಾರುವಕ್ಕಾಗಿ ಸೆಲೆಕ್ಟ್ ಮಾಡಿ, ಸಬ್ಮಿಟ್ (Submit) ಬಟನ್ ಒತ್ತಿ.
7. ಸ್ವೀಕೃತಿ ಪತ್ರ: ಅರ್ಜಿ ಯಶಸ್ವಿಯಾದ ನಂತರ ಪರದೆಯ ಮೇಲೆ ಬರುವ ಸ್ವೀಕೃತಿ ಪತ್ರವನ್ನು (Acknowledgement Receipt) ಪ್ರಿಂಟ್ ಅಥವಾ ಮೊಬೈಲ್‌ನಲ್ಲಿ ಪಿಡಿಎಫ್ ರೂಪದಲ್ಲಿ ಡೌನ್‌ಲೋಡ್ ಮಾಡಿ ಇಟ್ಟುಕೊಳ್ಳಿ.

(ನೆನಪಿಡಿ: ಆನ್‌ಲೈನ್ ಜ್ಞಾನ ಇಲ್ಲದ ಗ್ರಾಹಕರು ನಿಮ್ಮ ಹತ್ತಿರದ ಗ್ರಾಮ ಒನ್ (Gram One), ಕರ್ನಾಟಕ ಒನ್ ಅಥವಾ ಬೆಂಗಳೂರು ಒನ್ ಕೇಂದ್ರಕ್ಕೆ ಭೇಟಿ ನೀಡಿ ಕೇವಲ ₹20 ಗಳ ಸರ್ಕಾರಿ ಸೇವಾ ಶುಲ್ಕ ನೀಡಿ ಸ್ಥಳದಲ್ಲೇ ಅರ್ಜಿ ಸಲ್ಲಿಸಬಹುದು.)

ಇಂಧನ ಇಲಾಖೆಯ ಅಧಿಕೃತ ದೂರು ಮತ್ತು ಸಹಾಯವಾಣಿ ಸಂಖ್ಯೆಗಳು (Helplines)

ಗೃಹ ಜ್ಯೋತಿ ಯೋಜನೆಗೆ ಸಂಬಂಧಿಸಿದಂತೆ ನಿಮಗೆ ಯಾವುದೇ ರೀತಿಯ ತಾಂತ್ರಿಕ ತೊಂದರೆಗಳು ಇದ್ದರೆ , ಅರ್ಜಿ ಸಲ್ಲಿಸಿದರೂ ಬಿಲ್ ಉಚಿತವಾಗದಿದ್ದರೆ ಅಥವಾ ಲೈನ್ ಮ್ಯಾನ್ ಅನಗತ್ಯವಾಗಿ ಹಣ ಬೇಡಿಕೆ ಇಡುತ್ತಿದ್ದರೆ ನೀವು ನೇರವಾಗಿ ಸರ್ಕಾರದ ಅಧಿಕೃತ ಸಹಾಯವಾಣಿಗಳನ್ನು ಸಂಪರ್ಕಿಸಿ ದೂರು ದಾಖಲಿಸಬಹುದು:

• ರಾಜ್ಯ ವಿದ್ಯುತ್ ತುರ್ತು ಸಹಾಯವಾಣಿ ಸಂಖ್ಯೆ: 1912
  ಇದು ಕರ್ನಾಟಕ ಸರ್ಕಾರದ ಇಂಧನ ಇಲಾಖೆಯ ಅಧಿಕೃತ ಮತ್ತು ದಿನದ 24 ಗಂಟೆಯೂ (24/7) ಕಾರ್ಯನಿರ್ವಹಿಸುವ ಉಚಿತ ಟೋಲ್-ಫ್ರೀ ಸಂಖ್ಯೆಯಾಗಿದೆ. ರಾಜ್ಯದ ಯಾವುದೇ ಜಿಲ್ಲೆಯ ಗ್ರಾಹಕರು ತಮ್ಮ ಮೊಬೈಲ್‌ನಿಂದ 1912 ಗೆ ಕರೆ ಮಾಡಿ ತಮ್ಮ ಕರೆಂಟ್ ಬಿಲ್ ಅಕೌಂಟ್ ಐಡಿ ಹೇಳುವ ಮೂಲಕ ಗೃಹ ಜ್ಯೋತಿ ಯೋಜನೆಯ ಸಬ್ಸಿಡಿ ಕುರಿತು ದೂರನ್ನು ಅಧಿಕೃತವಾಗಿ ದಾಖಲಿಸಬಹುದು. ದೂರು ದಾಖಲಾದ ಕೆಲವೇ ದಿನಗಳಲ್ಲಿ ಅಧಿಕಾರಿಗಳು ನಿಮ್ಮ ಸಮಸ್ಯೆಯನ್ನು ಬಗೆಹರಿಸುತ್ತಾರೆ.
• ಸೇವಾ ಸಿಂಧು ಹೆಲ್ಪ್‌ಲೈನ್ ಸಂಖ್ಯೆ: 080-22230060 (ಕಚೇರಿ ಸಮಯದಲ್ಲಿ ಬೆಳಿಗ್ಗೆ 10 ರಿಂದ ಸಂಜೆ 6 ರವರೆಗೆ ಕರೆ ಮಾಡಬಹುದು).

ಗೃಹ ಜ್ಯೋತಿ ಯೋಜನೆಯ ಸಂಪೂರ್ಣ ಮುಖ್ಯಾಂಶಗಳು ಒಂದೇ ನೋಟದಲ್ಲಿ (Table)

ಯೋಜನೆ ಮತ್ತು ಸೌಲಭ್ಯಗಳ ವಿವರಗಳು	ಅಧಿಕೃತ ಮಾಹಿತಿ
ಯೋಜನೆಯ ಹೆಸರು	ಮುಖ್ಯಮಂತ್ರಿ ಗೃಹ ಜ್ಯೋತಿ ಯೋಜನೆ (Gruha Jyothi)
ಮುಖ್ಯ ಸೌಲಭ್ಯ	ಪ್ರತಿ ಗೃಹಬಳಕೆಯ ಮನೆಗೆ ತಿಂಗಳಿಗೆ ಗರಿಷ್ಠ 200 ಯೂನಿಟ್‌ವರೆಗೆ ಉಚಿತ ವಿದ್ಯುತ್
ಅರ್ಹ ಗ್ರಾಹಕರು	ಕೇವಲ ಗೃಹಬಳಕೆಯ ಸ್ವಂತ ಮನೆ ಮಾಲೀಕರು ಮತ್ತು ಬಾಡಿಗೆದಾರರು
ಸರಾಸರಿ ಲೆಕ್ಕಾಚಾರದ ವಿಧಾನ	ಹಿಂದಿನ 12 ತಿಂಗಳ ಸರಾಸರಿ ಬಳಕೆ ಯೂನಿಟ್ + 10% ಹೆಚ್ಚುವರಿ ಬಫರ್
ಕಡ್ಡಾಯವಾಗಿ ಬೇಕಾಗುವ ದಾಖಲೆ	ಆಧಾರ್ ಕಾರ್ಡ್, ಕರೆಂಟ್ ಬಿಲ್ ಅಕೌಂಟ್ ಐಡಿ ಮತ್ತು ಮೊಬೈಲ್ ಸಂಖ್ಯೆ
ಅರ್ಜಿ ಸಲ್ಲಿಸುವ ಪೋರ್ಟಲ್	ಸೇವಾ ಸಿಂಧು ಅಧಿಕೃತ ವೆಬ್‌ಸೈಟ್ ಅಥವಾ ಗ್ರಾಮ ಒನ್ ಕೇಂದ್ರಗಳು
ಅಧಿಕೃತ ದೂರು ಸಂಖ್ಯೆ	1912 (ಇಂಧನ ಇಲಾಖೆಯ 24/7 ಟೋಲ್ ಫ್ರೀ ಸಂಖ್ಯೆ)

ಗೃಹ ಜ್ಯೋತಿ ಯೋಜನೆ ಬಗ್ಗೆ ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು (FAQs)

1. ಹೊಸದಾಗಿ ಮನೆ ಕಟ್ಟಿದವರಿಗೆ ಅಥವಾ ಹೊಸದಾಗಿ ಕರೆಂಟ್ ಮೀಟರ್ (New Connection) ಪಡೆದವರಿಗೆ ಸರಾಸರಿ ಯೂನಿಟ್ ಹೇಗೆ ಲೆಕ್ಕ ಹಾಕುತ್ತಾರೆ?

ಹೊಸದಾಗಿ ಕನೆಕ್ಷನ್ ಪಡೆದ ಮನೆಗಳಿಗೆ ಹಿಂದಿನ 12 ತಿಂಗಳ ವಿದ್ಯುತ್ ಬಳಕೆಯ ಇತಿಹಾಸ ಇರುವುದಿಲ್ಲ. ಅಂತಹ ಹೊಸ ಗ್ರಾಹಕರಿಗೆ ಸರ್ಕಾರವು ಮೊದಲ ಒಂದು ವರ್ಷದವರೆಗೆ ಒಟ್ಟಾರೆಯಾಗಿ ತಿಂಗಳಿಗೆ 53 ಯೂನಿಟ್‌ಗಳನ್ನು (53 Units) ಡೀಫಾಲ್ಟ್ ಆಗಿ ಉಚಿತ ಮಿತಿಯನ್ನಾಗಿ ನಿಗದಿಪಡಿಸುತ್ತದೆ. ನಿಮ್ಮ ಹೊಸ ಮೀಟರ್ ಅಳವಡಿಕೆಯಾಗಿ ಒಂದು ವರ್ಷ ಮುಗಿದ ನಂತರ, ನಿಮ್ಮ ನೈಜ ಬಳಕೆಯ ಆಧಾರದ ಮೇಲೆ ಹೊಸ ಸರಾಸರಿ ಅಪ್ಡೇಟ್ ಆಗುತ್ತದೆ.

2. ನಮ್ಮ ಮನೆಯ ಕೆಳಗೆ ಸಣ್ಣ ಅಂಗಡಿ ಇದ್ದು, ಅದಕ್ಕೂ ಕರೆಂಟ್ ಮೀಟರ್ ಒಂದೇ ಇದೆ. ನಮಗೆ ಉಚಿತ ವಿದ್ಯುತ್ ಸಿಗುತ್ತದೆಯೇ?

ಖಂಡಿತ ಇಲ್ಲ. ನಿಮ್ಮ ಮನೆಯ ಆರ್ಆರ್ ಸಂಖ್ಯೆಯು (Account ID) ವಾಣಿಜ್ಯ ಅಥವಾ ಕಮರ್ಷಿಯಲ್ (Commercial) ಕೆಟಗರಿ ಅಡಿಯಲ್ಲಿ ನೋಂದಣಿಯಾಗಿದ್ದರೆ, ಅಥವಾ ನಿಮ್ಮ ಗೃಹಬಳಕೆಯ ಮೀಟರ್‌ನಿಂದಲೇ ನೀವು ಅಂಗಡಿಗೆ ಕರೆಂಟ್ ಬಳಸುತ್ತಿರುವುದು ಕಂಡುಬಂದರೆ, ನಿಮಗೆ ಈ ಯೋಜನೆಯ ಉಚಿತ ಸೌಲಭ್ಯ ಲಭ್ಯವಿರುವುದಿಲ್ಲ. ಇದು ಕೇವಲ ವಾಸಿಸುವ ಮನೆಗಳಿಗೆ ಮಾತ್ರ ಮೀಸಲು.

3. ಒಂದು ತಿಂಗಳು ನಮ್ಮ ಮನೆಯ ಕರೆಂಟ್ ಬಳಕೆ 205 ಯೂನಿಟ್ ಆದರೆ, ನಾವು ಕೇವಲ ಹೆಚ್ಚುವರಿ 5 ಯೂನಿಟ್‌ಗೆ ಮಾತ್ರ ಬಿಲ್ ಕಟ್ಟಬೇಕಾ?

ಇಲ್ಲ, ಇದು ತಪ್ಪು ಕಲ್ಪನೆ. ನಿಮ್ಮ ಮನೆಯ ವಿದ್ಯುತ್ ಬಳಕೆ ಯಾವುದೇ ಒಂದು ತಿಂಗಳು 200 ಯೂನಿಟ್‌ನ ಮಿತಿಯನ್ನು ದಾಟಿದ ತಕ್ಷಣ (ಅದು ಕೇವಲ 201 ಯೂನಿಟ್ ಆದರೂ ಸರಿ), ಆ ತಿಂಗಳು ನಿಮಗೆ ಯಾವುದೇ ರೀತಿಯ ಉಚಿತ ಸೌಲಭ್ಯ ಸಿಗುವುದಿಲ್ಲ. ನೀವು ಪೂರ್ತಿ 205 ಯೂನಿಟ್‌ಗಳ ಸಂಪೂರ್ಣ ಬಿಲ್ ಮೊತ್ತವನ್ನು ಸರ್ಕಾರದ ಸಾಮಾನ್ಯ ದರದಂತೆ ಪಾವತಿಸಬೇಕಾಗುತ್ತದೆ.

4. ಬಾಡಿಗೆ ಮನೆ ಖಾಲಿ ಮಾಡುವಾಗ ನನ್ನ ಆಧಾರ್ ಕಾರ್ಡ್ ಅನ್ನು ಆ ಕರೆಂಟ್ ಮೀಟರ್‌ನಿಂದ ತೆಗೆಯುವುದು (De-link) ಹೇಗೆ?

ನೀವು ಬಾಡಿಗೆ ಮನೆ ಬದಲಾಯಿಸುವ ಸಂದರ್ಭದಲ್ಲಿ ನಿಮ್ಮ ಹತ್ತಿರದ ಬೆಸ್ಕಾಂ/ಹೆಸ್ಕಾಂ ಕಚೇರಿಯ ಸಹಾಯಕ ಕಾರ್ಯಪಾಲಕ ಇಂಜಿನಿಯರ್ (AEE) ಅವರ ಬಳಿ ಲಿಖಿತ ಅರ್ಜಿ ಮತ್ತು ನಿಮ್ಮ ಹೊಸ ವಿಳಾಸದ ಪುರಾವೆಯನ್ನು ನೀಡಿ, ಹಳೆಯ ಅಕೌಂಟ್ ಐಡಿಯಿಂದ ನಿಮ್ಮ ಆಧಾರ್ ಕಾರ್ಡ್ ಅನ್ನು ಸುಲಭವಾಗಿ ಡಿ–ಲಿಂಕ್ ಮಾಡಿಸಿಕೊಳ್ಳಬಹುದು. ತದನಂತರ ಹೊಸ ಮನೆಗೆ ಹೊಸದಾಗಿ ಅಪ್ಲೈ ಮಾಡಬಹುದು.