KSP ಇಂದ ಹೊಸ ಅಧಿಸೂಚನೆ ಪ್ರಕಟ! 3,395 ಪೊಲೀಸ್ ಕಾನ್ಸ್‌ಟೇಬಲ್ ಹುದ್ದೆಗಳ ಭರ್ತಿ

 

ಕರ್ನಾಟಕ ಪೊಲೀಸ್ ಇಲಾಖೆಯಲ್ಲಿ ಬಂಪರ್ ನೇಮಕಾತಿ: 3,395 ಸಿವಿಲ್ ಕಾನ್ಸ್‌ಟೇಬಲ್ ಹುದ್ದೆಗಳಿಗೆ KSP ಇಂದ ಅಧಿಸೂಚನೆ ಪ್ರಕಟ! ವಯೋಮಿತಿ, ಅರ್ಹತೆ ಮತ್ತು ಅರ್ಜಿ ಸಲ್ಲಿಕೆಯ ಸಂಪೂರ್ಣ ವಿವರ ಇಲ್ಲಿದೆ

 ಕರ್ನಾಟಕ ರಾಜ್ಯ ಪೊಲೀಸ್ ಇಲಾಖೆಯಲ್ಲಿ (Karnataka State Police Department) ಸಾರ್ವಜನಿಕ ಸೇವೆಯನ್ನು ಸಲ್ಲಿಸಲು ಬಯಸುವ ಮತ್ತು ಪೊಲೀಸ್ ಇಲಾಖೆಯ ಸಮವಸ್ತ್ರ ಧರಿಸುವ ಕನಸು ಕಾಣುತ್ತಿರುವ ರಾಜ್ಯದ ಲಕ್ಷಾಂತರ ನಿರುದ್ಯೋಗಿ ಯುವಕ-ಯುವತಿಯರಿಗೆ ಕರ್ನಾಟಕ ಸರ್ಕಾರವು ಭರ್ಜರಿ ಸಿಹಿ ಸುದ್ದಿಯೊಂದನ್ನು ನೀಡಿದೆ. ಕರ್ನಾಟಕ ರಾಜ್ಯ ಪೊಲೀಸ್ ಇಲಾಖೆಯ ಮಿಕ್ಕುಳಿದ (ಉಳಿದ ಮೂಲ) ವೃಂದದಲ್ಲಿ ಖಾಲಿ ಇರುವ ಒಟ್ಟು 3,395 ಪೊಲೀಸ್ ಕಾನ್ಸ್‌ಟೇಬಲ್ (ಸಿವಿಲ್) ಹುದ್ದೆಗಳ ನೇರ ನೇಮಕಾತಿಗಾಗಿ ಅಧಿಕೃತ ಅಧಿಸೂಚನೆಯನ್ನು ಹೊರಡಿಸಲಾಗಿದೆ.

ಬಹು ದಿನಗಳಿಂದ ಈ ನೇಮಕಾತಿಗಾಗಿ ಕಾದು ಕುಳಿತಿದ್ದ ಆಕಾಂಕ್ಷಿಗಳಿಗೆ ಇದು ನಿಜಕ್ಕೂ ಒಂದು ಸುವರ್ಣಾವಕಾಶವಾಗಿದೆ. ಈ ಬಾರಿ ಈ ಬೃಹತ್ ನೇಮಕಾತಿಯ ಸಂಪೂರ್ಣ ಪ್ರಕ್ರಿಯೆಯನ್ನು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ (KEA) ಮೂಲಕ ಅತ್ಯಂತ ಪಾರದರ್ಶಕವಾಗಿ ನಡೆಸಲಾಗುತ್ತಿದೆ. ಕೇವಲ ಲಿಖಿತ ಪರೀಕ್ಷೆ ಮಾತ್ರವಲ್ಲದೆ ದೈಹಿಕ ಸಾಮರ್ಥ್ಯದ ಪರೀಕ್ಷೆಯೂ (Physical Fitness Test) ಇರುವುದರಿಂದ, ಆಸಕ್ತ ಯುವಜನತೆ ಇಂದಿನಿಂದಲೇ ತಮ್ಮ ದೈಹಿಕ ಮತ್ತು ಮಾನಸಿಕ ಸಿದ್ಧತೆಯನ್ನು ಚುರುಕುಗೊಳಿಸುವುದು ಬಹಳ ಮುಖ್ಯ.

ವಿಶೇಷವೆಂದರೆ, ಈ ಬಾರಿಯ ಪೊಲೀಸ್ ಕಾನ್ಸ್‌ಟೇಬಲ್ ಹುದ್ದೆಗಳ ನೇಮಕಾತಿಯ ಲಿಖಿತ ಪರೀಕ್ಷೆಯನ್ನು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು (KEA) ನಡೆಸಲಿದ್ದು, ಆನ್‌ಲೈನ್ ಮೂಲಕ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ.ಇದರೊಂದಿಗೆ ಅಭ್ಯರ್ಥಿಗಳಿಗೆ ಮತ್ತೊಂದು ದೊಡ್ಡ ಕೊಡುಗೆಯಾಗಿ ಸರ್ಕಾರವು ಸಾಮಾನ್ಯ ವಯೋಮಿತಿಯಲ್ಲಿ ಭರ್ಜರಿ 5 ವರ್ಷಗಳ ಸಡಿಲಿಕೆಯನ್ನು ನೀಡಿದೆ! ಈ ಬೃಹತ್ ನೇಮಕಾತಿಯ ದಿನಾಂಕಗಳು, ಶೈಕ್ಷಣಿಕ ಅರ್ಹತೆ, ವಯೋಮಿತಿ, ವೇತನ ಶ್ರೇಣಿ, ಆಯ್ಕೆ ವಿಧಾನ ಮತ್ತು ದೈಹಿಕ ಪರೀಕ್ಷೆಯ ಕಂಪ್ಲೀಟ್ ಗೈಡ್ ಅನ್ನು ಈ ಲೇಖನದಲ್ಲಿ ವಿಸ್ತಾರವಾಗಿ ತಿಳಿದುಕೊಳ್ಳೋಣ.

ವಯಸ್ಸಾಯಿತು, ಇನ್ನೇನು ಪೊಲೀಸ್ ಆಗುವ ಅವಕಾಶ ಕೈತಪ್ಪಿಯೇ ಹೋಯಿತು ಎಂದು ನಿರಾಸೆಯಲ್ಲಿದ್ದ ಸಾವಿರಾರು ಆಕಾಂಕ್ಷಿಗಳಿಗೆ ಸರ್ಕಾರದ ಈ ನಿರ್ಧಾರ ಹೊಸ ಭರವಸೆ ನೀಡಿದೆ.ಆದ್ದರಿಂದ ಈ ಅದೃಷ್ಟದ ಅವಕಾಶವನ್ನು ಯಾವುದೇ ಕಾರಣಕ್ಕೂ ಮಿಸ್ ಮಾಡಿಕೊಳ್ಳಬೇಡಿ. ಈ ಬೃಹತ್ ನೇಮಕಾತಿಯ ಪ್ರಮುಖ ದಿನಾಂಕಗಳು, ಶೈಕ್ಷಣಿಕ ಅರ್ಹತೆ, ನಿಖರವಾದ ವಯೋಮಿತಿ, ಆಕರ್ಷಕ ವೇತನ ಶ್ರೇಣಿ, ಆಯ್ಕೆ ವಿಧಾನ ಮತ್ತು ದೈಹಿಕ ಪರೀಕ್ಷೆಯ (Physical Test) ಕಂಪ್ಲೀಟ್ ಗೈಡ್ ಅನ್ನು ಈ ಲೇಖನದಲ್ಲಿ ವಿಸ್ತಾರವಾಗಿ ತಿಳಿದುಕೊಳ್ಳೋಣ. ಬನ್ನಿ, ಲೇಖನವನ್ನು ಕೊನೆಯವರೆಗೂ ಓದಿ.

ಹುದ್ದೆಗಳ ಸಂಪೂರ್ಣ ವರ್ಗೀಕರಣ ಮತ್ತು ವಿವರ (Vacancy Details)

ಪೊಲೀಸ್ ಇಲಾಖೆಯಲ್ಲಿ ಮಿಕ್ಕುಳಿದ ವೃಂದದ ವಿವಿಧ ಜಿಲ್ಲೆ, ನಗರ ಹಾಗೂ ಘಟಕಗಳಲ್ಲಿ ಖಾಲಿ ಇರುವ ಒಟ್ಟು 3,395 ಹುದ್ದೆಗಳನ್ನು ಪುರುಷ, ಮಹಿಳಾ, ಸೇವಾನಿರತ ಹಾಗೂ ತೃತೀಯ ಲಿಂಗಿ ಅಭ್ಯರ್ಥಿಗಳಿಗೆ ಹಂಚಿಕೆ ಮಾಡಲಾಗಿದೆ. ಅದರ ವಿವರಗಳು ಈ ಕೆಳಗಿನಂತಿವೆ 

ಎಲ್ಲಾ ವರ್ಗದವರಿಗೂ ಸಮಾನ ಅವಕಾಶ ಕಲ್ಪಿಸುವ ನಿಟ್ಟಿನಲ್ಲಿ ಈ ಹುದ್ದೆಗಳನ್ನು ವ್ಯವಸ್ಥಿತವಾಗಿ ವರ್ಗೀಕರಿಸಲಾಗಿದ್ದು, ವಿಶೇಷವಾಗಿ ತೃತೀಯ ಲಿಂಗಿ ಅಭ್ಯರ್ಥಿಗಳಿಗೂ ಅವಕಾಶ ಕಲ್ಪಿಸಿರುವುದು ಇಲಾಖೆಯ ಪ್ರಗತಿಪರ ಹೆಜ್ಜೆಯಾಗಿದೆ. ಅಭ್ಯರ್ಥಿಗಳು ತಾವು ಯಾವ ಜಿಲ್ಲೆ ಅಥವಾ ಘಟಕಕ್ಕೆ ಅರ್ಜಿ ಸಲ್ಲಿಸುತ್ತಿದ್ದೇವೆ ಹಾಗೂ ಅಲ್ಲಿ ತಮ್ಮ ಪ್ರವರ್ಗಕ್ಕೆ ಹುದ್ದೆಗಳಿವೆಯೇ ಎಂಬುದನ್ನು ಮುಂಚಿತವಾಗಿಯೇ ಖಚಿತಪಡಿಸಿಕೊಳ್ಳಲು ಈ ಕೆಳಗಿನ ವಿವರಗಳನ್ನು ಎಚ್ಚರಿಕೆಯಿಂದ ಗಮನಿಸುವುದು ಬಹಳ ಮುಖ್ಯ:

ಹುದ್ದೆಯ ವಿವರ	ಪುರುಷ ಅಭ್ಯರ್ಥಿಗಳು	ಮಹಿಳಾ ಅಭ್ಯರ್ಥಿಗಳು	ಒಟ್ಟು ಹುದ್ದೆಗಳು
ನೇರ ನೇಮಕಾತಿ (Direct Recruitment)	2,266 ಹುದ್ದೆಗಳು	755 ಹುದ್ದೆಗಳು	3,021
ಸೇವಾನಿರತ ಅಭ್ಯರ್ಥಿಗಳು (In-Service)	257 ಹುದ್ದೆಗಳು	82 ಹುದ್ದೆಗಳು	339
ತೃತೀಯ ಲಿಂಗಿ ಅಭ್ಯರ್ಥಿಗಳು (Transgender)	–	–	35 ಹುದ್ದೆಗಳು
ಒಟ್ಟು ಖಾಲಿ ಹುದ್ದೆಗಳು	–	–	3,395 ಹುದ್ದೆಗಳು

(ಗಮನಿಸಿ: ಪ್ರತ್ಯೇಕ ಜಿಲ್ಲಾವಾರು ಮತ್ತು ಪ್ರವರ್ಗವಾರು (SC, ST, OBC, GM) ಹುದ್ದೆಗಳ ವರ್ಗೀಕರಣದ ವಿವರಗಳನ್ನು ಪ್ರಾಧಿಕಾರವು ಪ್ರತ್ಯೇಕವಾಗಿ ಪ್ರಕಟಿಸಿದೆ ).

ಪ್ರಮುಖ ದಿನಾಂಕಗಳ ವೇಳಾಪಟ್ಟಿ (Important Dates)

ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ನಿಗದಿತ ಸಮಯದೊಳಗೆ ಆನ್‌ಲೈನ್ ಮೂಲಕ ಅರ್ಜಿಗಳನ್ನು ಸಲ್ಲಿಸಬೇಕಾಗಿರುತ್ತದೆ.ಕೊನೆಯ ದಿನದವರೆಗೆ ಕಾಯದೆ ಮುಂಚಿತವಾಗಿಯೇ ಅರ್ಜಿ ಸಲ್ಲಿಸುವುದು ಸೂಕ್ತ.

• ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಪ್ರಾರಂಭಿಕ ದಿನಾಂಕ: 08 ಜೂನ್ 2026 
• ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 03 ಜುಲೈ 2026 
• ಅರ್ಜಿ ಶುಲ್ಕವನ್ನು ಬ್ಯಾಂಕ್ ಮೂಲಕ ಪಾವತಿ ಮಾಡಲು ಕೊನೆಯ ದಿನಾಂಕ: 04 ಜುಲೈ 2026 
• ಅಧಿಕೃತ ಲಿಖಿತ ಪರೀಕ್ಷೆ ನಡೆಯುವ ದಿನಾಂಕ: 02 ಆಗಸ್ಟ್ 2026 (ಬೆಳಿಗ್ಗೆ 10.30 ರಿಂದ ಮಧ್ಯಾಹ್ನ 12.00 ರವರೆಗೆ) 

ಶೈಕ್ಷಣಿಕ ವಿದ್ಯಾರ್ಹತೆ (Educational Qualification)

ಸಿವಿಲ್ ಪೊಲೀಸ್ ಕಾನ್ಸ್‌ಟೇಬಲ್ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಅಭ್ಯರ್ಥಿಗಳು ಭಾರತದಲ್ಲಿ ಕಾನೂನುಬದ್ಧವಾಗಿ ಸ್ಥಾಪಿತವಾಗಿರುವ ಮಂಡಳಿಗಳಿಂದ ಈ ಕೆಳಗಿನ ವಿದ್ಯಾರ್ಹತೆಯನ್ನು ಹೊಂದಿರಬೇಕು 

ಮುಖ್ಯವಾಗಿ ಗಮನಿಸಿ, ಅರ್ಜಿ ಸಲ್ಲಿಸುವ ಕೊನೆಯ ದಿನಾಂಕದೊಳಗೆ (03 ಜುಲೈ 2026) ಅಭ್ಯರ್ಥಿಗಳು ಕಡ್ಡಾಯವಾಗಿ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿ ಅಧಿಕೃತ ಅಂಕಪಟ್ಟಿಯನ್ನು (Marks Card) ಹೊಂದಿರಬೇಕು. ಅಂತಿಮ ವರ್ಷದ ಪರೀಕ್ಷೆ ಬರೆದು ಕೇವಲ ಫಲಿತಾಂಶಕ್ಕಾಗಿ ಕಾಯುತ್ತಿರುವವರು (Awaiting Results) ಅರ್ಜಿ ಸಲ್ಲಿಸಲು ಅರ್ಹರಾಗಿರುವುದಿಲ್ಲ :

1. ಪಿಯುಸಿ ಅಥವಾ ತತ್ಸಮಾನ ಪರೀಕ್ಷೆ: ಅಭ್ಯರ್ಥಿಯು ಪಿಯುಸಿ (PUC) ಅಥವಾ ತತ್ಸಮಾನ ವಿದ್ಯಾರ್ಹತೆಯಲ್ಲಿ ಉತ್ತೀರ್ಣರಾಗಿರಬೇಕು. 
2. ತತ್ಸಮಾನ ವಿದ್ಯಾರ್ಹತೆಗಳ ವಿವರ: ಕರ್ನಾಟಕ ಪದವಿ ಪೂರ್ವ ಶಿಕ್ಷಣ ಮಂಡಳಿಯ ನಿಯಮಗಳ ಪ್ರಕಾರ ಈ ಕೆಳಗಿನ ಕೋರ್ಸ್‌ಗಳನ್ನು ಪಿಯುಸಿಗೆ ತತ್ಸಮಾನ ಎಂದು ಪರಿಗಣಿಸಲಾಗುತ್ತದೆ: 

• ಸಿ.ಬಿ.ಎಸ್.ಇ (CBSE) ಮತ್ತು ಐ.ಎಸ್.ಸಿ (ISC) ಮಂಡಳಿಯು ನಡೆಸುವ ಕ್ಲಾಸ್ 12 ಪರೀಕ್ಷೆ. 
• ಇತರೆ ರಾಜ್ಯ ಸರ್ಕಾರಗಳ ಪರೀಕ್ಷಾ ಮಂಡಳಿಗಳಿಂದ ನಡೆಸುವ ಕ್ಲಾಸ್ 12 ಪರೀಕ್ಷೆ. 
• ನ್ಯಾಷನಲ್ ಇನ್ಸ್‌ಸ್ಟಿಟೂಟ್ ಆಫ್ ಓಪನ್ ಸ್ಕೂಲಿಂಗ್ (NIOS) ವತಿಯಿಂದ ನಡೆಸುವ ಉನ್ನತ ಪ್ರೌಢ ಶಿಕ್ಷಣ ಕೋರ್ಸ್/ಹೆಚ್.ಎಸ್.ಸಿ. 
• ಮೂರು ವರ್ಷಗಳ ಡಿಪ್ಲೊಮಾ (Diploma) ಉತ್ತೀರ್ಣರಾದವರನ್ನು ಸಹ ಪಿಯುಸಿಗೆ ತತ್ಸಮಾನ ಎಂದು ಪರಿಗಣಿಸಿ ನೇರ ನೇಮಕಾತಿಗೆ ಅವಕಾಶ ನೀಡಲಾಗಿದೆ. (ಇದು ಡಿಪ್ಲೊಮಾ ಮುಗಿಸಿ ಸರ್ಕಾರಿ ಕೆಲಸದ ನಿರೀಕ್ಷೆಯಲ್ಲಿರುವ ಸಾವಿರಾರು ಯುವಕರಿಗೆ ಅತ್ಯುತ್ತಮ ಅವಕಾಶವಾಗಿದೆ).
• ಎರಡು ವರ್ಷಗಳ ಐ.ಟಿ.ಐ (ITI) ಕೋರ್ಸ್ ಮುಗಿಸಿ, NIOS ಅಥವಾ ಪದವಿಪೂರ್ವ ಮಂಡಳಿಯ ಮುಖಾಂತರ ಒಂದು ಭಾಷೆ ಮತ್ತು ಒಂದು ಶೈಕ್ಷಣಿಕ ವಿಷಯದ ಪರೀಕ್ಷೆಯಲ್ಲಿ ಉತ್ತೀರ್ಣರಾದವರು ಮಾತ್ರ ಅರ್ಹರು. (ಗಮನಿಸಿ: ಕೇವಲ ITI ಮುಗಿಸಿದರೆ ಸಾಲದು, ಭಾಷೆ ಮತ್ತು ಶೈಕ್ಷಣಿಕ ವಿಷಯದ ಪಾಸಿಂಗ್ ಸರ್ಟಿಫಿಕೇಟ್ (Passing Certificate) ಕಡ್ಡಾಯವಾಗಿರಬೇಕು).
• ಜೆ.ಓ.ಸಿ (JOC) ಕೋರ್ಸ್ ಮುಗಿಸಿದವರನ್ನು ಸಹ ಕೆಲವು ನಿರ್ದಿಷ್ಟ ನಿಯಮಗಳನ್ವಯ ತತ್ಸಮಾನ ಎಂದು ಪರಿಗಣಿಸಲಾಗುತ್ತದೆ. 

ಪ್ರಮುಖ ಸೂಚನೆ: ಅರ್ಜಿ ಸಲ್ಲಿಸಲು ನಿಗದಿಪಡಿಸಿದ ಕೊನೆಯ ದಿನಾಂಕದಂದು ಇನ್ನು ಪರೀಕ್ಷೆ ಬರೆದು ಫಲಿತಾಂಶಕ್ಕಾಗಿ ಕಾಯುತ್ತಿರುವ (Result Awaiting) ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಲು ಯಾವುದೇ ಕಾರಣಕ್ಕೂ ಅರ್ಹರಾಗಿರುವುದಿಲ್ಲ. ಕೊನೆಯ ದಿನಾಂಕದೊಳಗೆ ಅಂಕಪಟ್ಟಿ ಕೈಯಲ್ಲಿರಬೇಕು.ಸುಮ್ಮನೆ ಅರ್ಜಿ ಸಲ್ಲಿಸಿ ಅರ್ಜಿ ಶುಲ್ಕ ಹಾಗೂ ನಿಮ್ಮ ಅಮೂಲ್ಯ ಸಮಯವನ್ನು ವ್ಯರ್ಥ ಮಾಡಿಕೊಳ್ಳಬೇಡಿ. ನೇಮಕಾತಿ ಪ್ರಾಧಿಕಾರವು ಈ ನಿಯಮವನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ಆದೇಶಸಲಾಗಿದೆ.

ವಯೋಮಿತಿ ಮತ್ತು ಭರ್ಜರಿ 5 ವರ್ಷಗಳ ಸಡಿಲಿಕೆ (Age Limit & Relaxation)

ಕರ್ನಾಟಕ ಸರ್ಕಾರದ ವಿಶೇಷ ಆದೇಶದನ್ವಯ (ಆದೇಶ ಸಂಖ್ಯೆ: ಸಿಆಸುಇ 262 ಸೇನೆನಿ 2025 ದಿನಾಂಕ 29.01.2026), ಅಭ್ಯರ್ಥಿಗಳಿಗೆ ಒಂದು ಬಾರಿಗೆ ಅನ್ವಯವಾಗುವಂತೆ ಗರಿಷ್ಠ ವಯೋಮಿತಿಯಲ್ಲಿ 5 ವರ್ಷಗಳ ಭರ್ಜರಿ ಸಡಿಲಿಕೆಯನ್ನು ನೀಡಲಾಗಿದೆ! ಅರ್ಜಿ ಸಲ್ಲಿಸಲು ಕನಿಷ್ಠ 18 ವರ್ಷ ತುಂಬಿರಬೇಕು. 

ವಯಸ್ಸಾಗಿ ಅವಕಾಶ ಕೈತಪ್ಪಿಹೋಯಿತು ಎಂದು ಪೊಲೀಸ್ ಆಗುವ ಆಸೆಯನ್ನೇ ಕೈಬಿಟ್ಟಿದ್ದ ಸಾವಿರಾರು ಆಕಾಂಕ್ಷಿಗಳಿಗೆ ಸರ್ಕಾರದ ಈ ‘ಒನ್ ಟೈಮ್ ಆಫರ್’ (One-Time Offer) ನಿಜಕ್ಕೂ ಹೊಸ ಜೀವದಾನ ನೀಡಿದೆ. ಕನಿಷ್ಠ 18 ವರ್ಷ ತುಂಬಿರಬೇಕು ಅಂದರೆ, ನೀವು ಅರ್ಜಿ ಸಲ್ಲಿಸುವ ಕೊನೆಯ ದಿನಾಂಕಕ್ಕೆ ಸರಿಯಾಗಿ (ಅಂದರೆ 03 ಜುಲೈ 2026 ರೊಳಗೆ) 18 ವರ್ಷ ವಯಸ್ಸನ್ನು ಪೂರ್ಣಗೊಳಿಸಿರಬೇಕು.

ದಯವಿಟ್ಟು ಗಮನಿಸಿ: ನಿಮ್ಮ ವಯಸ್ಸನ್ನು ಲೆಕ್ಕ ಹಾಕಲು ಕೇವಲ ನಿಮ್ಮ ಎಸ್‌ಎಸ್‌ಎಲ್‌ಸಿ (SSLC) ಅಂಕಪಟ್ಟಿಯಲ್ಲಿರುವ ಜನ್ಮ ದಿನಾಂಕವನ್ನು ಮಾತ್ರ ಅಧಿಕೃತವೆಂದು ಪರಿಗಣಿಸಲಾಗುತ್ತದೆ.

ಪರಿಷ್ಕರಿಸಿದ ಗರಿಷ್ಠ ವಯೋಮಿತಿಯ ವಿವರಗಳು ಈ ಕೆಳಗಿನಂತಿವೆ:

ಎ) ನೇರ ನೇಮಕಾತಿ ಅಭ್ಯರ್ಥಿಗಳಿಗೆ (ಪುರುಷ, ಮಹಿಳಾ ಮತ್ತು ತೃತೀಯ ಲಿಂಗಿ):

• ಸಾಮಾನ್ಯ ಅರ್ಹತೆ (General Merit – GM) ಅಭ್ಯರ್ಥಿಗಳಿಗೆ: ಗರಿಷ್ಠ 33 ವರ್ಷಗಳು. 
• SC, ST, Category-1, 2A, 2B, 3A, 3B ಅಭ್ಯರ್ಥಿಗಳಿಗೆ: ಗರಿಷ್ಠ 35 ವರ್ಷಗಳು. 
• ಕರ್ನಾಟಕದ ಅರಣ್ಯ ಪ್ರದೇಶಗಳಲ್ಲಿ ವಾಸಿಸುವ ಬುಡಕಟ್ಟು ಅಭ್ಯರ್ಥಿಗಳಿಗೆ: ಗರಿಷ್ಠ 38 ವರ್ಷಗಳು. 

ಬಿ) ಸೇವಾನಿರತ ಅಭ್ಯರ್ಥಿಗಳಿಗೆ (In-Service Candidates):

• ಸಾಮಾನ್ಯ ಅರ್ಹತೆ (GM) ಅಭ್ಯರ್ಥಿಗಳಿಗೆ: ಗರಿಷ್ಠ 38 ವರ್ಷಗಳು. 
• SC, ST, Cat-1, 2A, 2B, 3A, 3B ಅಭ್ಯರ್ಥಿಗಳಿಗೆ: ಗರಿಷ್ಠ 40 ವರ್ಷಗಳು. (ಗಮನಿಸಿ: ಸೇವಾನಿರತ ಅಭ್ಯರ್ಥಿಗಳು ಪೊಲೀಸ್ ಇಲಾಖೆಯ ಸಿ.ಎ.ಆರ್/ಡಿ.ಎ.ಆರ್/ಕೆ.ಎಸ್.ಆರ್.ಪಿ/ಐ.ಆರ್.ಕೆ.ಎಸ್.ಐ.ಎಸ್.ಎಫ್ ವೃಂದದಲ್ಲಿ ಕನಿಷ್ಠ 5 ವರ್ಷಗಳ ಸೇವೆಯನ್ನು ಪೂರೈಸಿರಬೇಕು ). 

ಅರ್ಜಿ ಶುಲ್ಕದ ವಿವರ (Application Fee)

ಅಭ್ಯರ್ಥಿಗಳು ಆನ್‌ಲೈನ್ ಮೂಲಕವೇ ನಿಗದಿತ ಶುಲ್ಕವನ್ನು ಪಾವತಿಸಬೇಕಿರುತ್ತದೆ. ಪಾವತಿಸಿದ ಶುಲ್ಕವನ್ನು ಯಾವುದೇ ಕಾರಣಕ್ಕೂ ಹಿಂತಿರುಗಿಸಲಾಗುವುದಿಲ್ಲ.

• ಸಾಮಾನ್ಯ ಅರ್ಹತೆ (GM) ಮತ್ತು ಇತರೆ ಹಿಂದುಳಿದ ಪ್ರವರ್ಗಗಳ (OBC) ಅಭ್ಯರ್ಥಿಗಳಿಗೆ: ₹750/- 
• ಪರಿಶಿಷ್ಟ ಜಾತಿ (SC), ಪರಿಶಿಷ್ಟ ಪಂಗಡ (ST), ಪ್ರವರ್ಗ-1, ಮಾಜಿ ಸೈನಿಕ ಮತ್ತು ತೃತೀಯ ಲಿಂಗಿ ಅಭ್ಯರ್ಥಿಗಳಿಗೆ: ₹500/- 

ಆಯ್ಕೆ ವಿಧಾನ ಮತ್ತು ಲಿಖಿತ ಪರೀಕ್ಷಾ ಕ್ರಮ (Selection Process & Written Exam)

ಪೊಲೀಸ್ ಕಾನ್ಸ್‌ಟೇಬಲ್ ಹುದ್ದೆಗಳ ಆಯ್ಕೆ ಪ್ರಕ್ರಿಯೆಯು ಪ್ರಮುಖವಾಗಿ ಮೂರು ಹಂತಗಳಲ್ಲಿ ನಡೆಯುತ್ತದೆ:

1. ಸ್ಪರ್ಧಾತ್ಮಕ ಲಿಖಿತ ಪರೀಕ್ಷೆ (Written Examination) 
2. ಸಹಿಷ್ಣುತೆ ಮತ್ತು ದೇಹದಾರ್ಡ್ಯತೆ ಪರೀಕ್ಷೆ (PST & ET) 
3. ವೈದ್ಯಕೀಯ ಪರೀಕ್ಷೆ ಮತ್ತು ಮೂಲ ದಾಖಲೆಗಳ ಪರಿಶೀಲನೆ 

1. ಲಿಖಿತ ಪರೀಕ್ಷಾ ವಿಧಾನ (Offline-OMR Type):

ಸ್ಪರ್ಧಾತ್ಮಕ ಪರೀಕ್ಷೆಯನ್ನು ಆಫ್‌ಲೈನ್ ಓಎಂಆರ್ (Offline-OMR) ಮಾದರಿಯಲ್ಲಿ ರಾಜ್ಯದ ಆಯ್ದ ಜಿಲ್ಲಾ ಕೇಂದ್ರಗಳಲ್ಲಿ ನಡೆಸಲಾಗುತ್ತದೆ.

• ಒಟ್ಟು ಪ್ರಶ್ನೆಗಳು: 100 ವಸ್ತುನಿಷ್ಠ (Objective) ಬಹು ಆಯ್ಕೆಯ ಪ್ರಶ್ನೆಗಳು. 
• ಒಟ್ಟು ಅಂಕಗಳು: 100 ಅಂಕಗಳು. 
• ಪರೀಕ್ಷಾ ಅವಧಿ: 1 ಗಂಟೆ 30 ನಿಮಿಷಗಳು (90 ನಿಮಿಷಗಳು). 
• ಪಠ್ಯಕ್ರಮ (Syllabus): ಸಾಮಾನ್ಯ ಜ್ಞಾನ, ವಿಜ್ಞಾನ, ಭೂಗೋಳ, ಇತಿಹಾಸ, ಭಾರತದ ಸಂವಿಧಾನ, ರಾಷ್ಟ್ರೀಯ ಸ್ವಾತಂತ್ರ್ಯ ಚಳುವಳಿ, ಮಾನಸಿಕ ಸಾಮರ್ಥ್ಯ ಮತ್ತು ನೈತಿಕ ಶಿಕ್ಷಣ ಒಳಗೊಂಡ ಸಾಮಾನ್ಯ ಅಧ್ಯಯನ. 

⚠️ ಕಡ್ಡಾಯ ನೆಗೆಟಿವ್ ಅಂಕಗಳು (Negative Marking): ಈ ಪರೀಕ್ಷೆಯಲ್ಲಿ ತಪ್ಪು ಉತ್ತರಗಳಿಗೆ ನೆಗೆಟಿವ್ ಮಾರ್ಕಿಂಗ್ ಇರುತ್ತದೆ. ಪ್ರತಿಯೊಂದು ತಪ್ಪು ಉತ್ತರಕ್ಕೂ 0.25 ಅಂಕಗಳನ್ನು ಕಳೆಯಲಾಗುವುದು. ಅಲ್ಲದೆ, ಪರೀಕ್ಷೆಯಲ್ಲಿ ಅರ್ಹತೆ ಪಡೆಯಲು ಕನಿಷ್ಠ 30 ಅಂಕಗಳನ್ನು ಗಳಿಸುವುದು ಕಡ್ಡಾಯವಾಗಿದೆ.

2. ಕಡ್ಡಾಯ ಕನ್ನಡ ಭಾಷಾ ಪರೀಕ್ಷೆ (Kannada Language Test):

ಎಸ್‌ಎಸ್‌ಎಲ್‌ಸಿ ಅಥವಾ ಅದಕ್ಕಿಂತ ಉನ್ನತ ಮಟ್ಟದ ಪರೀಕ್ಷೆಗಳಲ್ಲಿ ಕನ್ನಡವನ್ನು ಪ್ರಥಮ ಅಥವಾ ದ್ವಿತೀಯ ಭಾಷೆಯಾಗಿ ಓದದೇ ಇರುವ ಅಭ್ಯರ್ಥಿಗಳಿಗೆ 150 ಅಂಕಗಳ ಕಡ್ಡಾಯ ಕನ್ನಡ ಭಾಷಾ ಪರೀಕ್ಷೆ ಇರುತ್ತದೆ. ಇದರಲ್ಲಿ ಅರ್ಹತೆ ಪಡೆಯಲು ಕನಿಷ್ಠ 50 ಅಂಕಗಳನ್ನು ಗಳಿಸಬೇಕು. ಉಳಿದ ಕನ್ನಡ ಮಾಧ್ಯಮ ಅಥವಾ ಕನ್ನಡ ವಿಷಯ ಓದಿದ ಅಭ್ಯರ್ಥಿಗಳಿಗೆ ಇದರಿಂದ ವಿನಾಯಿತಿ ಇರುತ್ತದೆ.

ದೈಹಿಕ ಪ್ರಮಾಣಪತ್ರ ಮತ್ತು ಸಹಿಷ್ಣುತೆ ಪರೀಕ್ಷೆ (PST & ET Details)

ಲಿಖಿತ ಪರೀಕ್ಷೆಯಲ್ಲಿ ಗಳಿಸಿದ ಅಂಕಗಳ ಆಧಾರದ ಮೇಲೆ 1:5 ರ ಅನುಪಾತದಲ್ಲಿ ಅರ್ಹರಾದ ಅಭ್ಯರ್ಥಿಗಳನ್ನು ದೈಹಿಕ ಪರೀಕ್ಷೆಗೆ ಕರೆಯಲಾಗುತ್ತದೆ.

ಎ) ದೇಹದಾರ್ಡ್ಯತೆ ಪರೀಕ್ಷೆ (Physical Standard Test – PST):

• ಪುರುಷ ಮತ್ತು ಮಾಜಿ ಸೈನಿಕ ಅಭ್ಯರ್ಥಿಗಳಿಗೆ: ಕನಿಷ್ಠ ಎತ್ತರ 168 ಸೆಂ.ಮೀ ಇರಬೇಕು. ಎದೆ ಸುತ್ತಳತೆ ಕನಿಷ್ಠ 86 ಸೆಂ.ಮೀ ಇರಬೇಕು (ಕನಿಷ್ಠ 5 ಸೆಂ.ಮೀ ವಿಸ್ತರಣೆ ಕಡ್ಡಾಯ). 
• ಮಹಿಳಾ ಮತ್ತು ತೃತೀಯ ಲಿಂಗಿ ಅಭ್ಯರ್ಥಿಗಳಿಗೆ: ಕನಿಷ್ಠ ಎತ್ತರ 157 ಸೆಂ.ಮೀ ಇರಬೇಕು ಮತ್ತು ಕನಿಷ್ಠ ತೂಕ 45 ಕೆ.ಜಿ ಇರಬೇಕು. 
• ಬುಡಕಟ್ಟು ಪುರುಷ ಅಭ್ಯರ್ಥಿಗಳಿಗೆ (ಅರಣ್ಯ ನಿವಾಸಿ): ಕನಿಷ್ಠ ಎತ್ತರ 155 ಸೆಂ.ಮೀ ಇರಬೇಕು. 

ಬಿ) ಸಹಿಷ್ಣುತೆ ಪರೀಕ್ಷೆ (Endurance Test – ET):

ದೇಹದಾರ್ಡ್ಯತೆ ಪರೀಕ್ಷೆಯಲ್ಲಿ ಪಾಸಾದವರಿಗೆ ಮಾತ್ರ ಈ ಕೆಳಗಿನ ದೈಹಿಕ ಸ್ಪರ್ಧೆಗಳನ್ನು ನಡೆಸಲಾಗುತ್ತದೆ. ಇವು ಕೇವಲ ಅರ್ಹತೆಗೆ (Qualifying) ಮಾತ್ರ ಸೀಮಿತವಾಗಿದ್ದು, ಯಾವುದೇ ಅಂಕಗಳಿರುವುದಿಲ್ಲ.

ಅಭ್ಯರ್ಥಿಗಳ ವಿವರ	ಓಟದ ಪಂದ್ಯ (Running)	ಎತ್ತರ ಜಿಗಿತ / ಉದ್ದ ಜಿಗಿತ	ಗುಂಡು ಎಸೆತ (Shot-put)
ಪುರುಷ ಅಭ್ಯರ್ಥಿಗಳು	1600 ಮೀಟರ್ ಓಟ (6 ನಿಮಿಷ 30 ಸೆಕೆಂಡ್ ಒಳಗೆ)	1.20 ಮೀಟರ್ ಎತ್ತರ ಅಥವಾ 3.80 ಮೀಟರ್ ಉದ್ದ ಜಿಗಿತ (3 ಅವಕಾಶಗಳು)	5.60 ಮೀಟರ್ ದೂರ (7.26 ಕೆ.ಜಿ ಗುಂಡು, 3 ಅವಕಾಶಗಳು)
ಮಹಿಳಾ / ಮಾಜಿ ಸೈನಿಕರು	400 ಮೀಟರ್ ಓಟ (2 ನಿಮಿಷದ ಒಳಗೆ)	0.90 ಮೀಟರ್ ಎತ್ತರ ಅಥವಾ 2.50 Myಟರ್‌ ಉದ್ದ ಜಿಗಿತ (3 ಅವಕಾಶಗಳು)	3.75 ಮೀಟರ್ ದೂರ (4 ಕೆ.ಜಿ ಗುಂಡು, 3 ಅವಕಾಶಗಳು)

ವೈದ್ಯಕೀಯ ಪರೀಕ್ಷೆ ಮತ್ತು ನೇತ್ರ ದೃಷ್ಟಿ (Medical Examination)

ದೈಹಿಕ ಪರೀಕ್ಷೆ ಮುಗಿದ ನಂತರ ಪ್ರಕಟವಾಗುವ ತಾತ್ಕಾಲಿಕ ಆಯ್ಕೆ ಪಟ್ಟಿಯ ಅಭ್ಯರ್ಥಿಗಳಿಗೆ ವೈದ್ಯಕೀಯ ಮಂಡಳಿಯಿಂದ ತಪಾಸಣೆ ನಡೆಸಲಾಗುತ್ತದೆ.

• ದೃಷ್ಟಿ ದರ್ಜೆ (Vision): ಕನ್ನಡಕ ಸಹಿತ ಅಥವಾ ಇಲ್ಲದೆಯೇ ದೂರದ ದೃಷ್ಟಿ 6/9 ಅಥವಾ 6/12 ಇರಬೇಕು.ವರ್ಣಾಂಧತೆ (Color Blindness), ಮೆಳ್ಳಗಣ್ಣು ಅಥವಾ ಕಣ್ಣಿನ ಯಾವುದೇ ವಿಕೃತ ಸ್ಥಿತಿ ಇದ್ದರೆ ಅನರ್ಹಗೊಳಿಸಲಾಗುವುದು. 
• ದೈಹಿಕ ನ್ಯೂನತೆಗಳು: ನೂಕು ಮಂಡಿ (Knock Knees), ಸಪಾಟು ಪಾದ (Flat Foot), ವಕ್ರ ಪಾದ (Bow Legs) ಅಥವಾ ಮಾತಿನಲ್ಲಿ ಅಡಚಣೆ ಇದ್ದರೆ ಅಂತಹವರನ್ನು ವೈದ್ಯಕೀಯ ನಿಯಮಗಳ ಪ್ರಕಾರ ಅನರ್ಹಗೊಳಿಸಲಾಗುತ್ತದೆ. 

ತರಬೇತಿ, ಖಾಯಂಪೂರ್ವ ಅವಧಿ ಮತ್ತು ವೇತನ ಶ್ರೇಣಿ (Salary & Training)

• ವೇತನ ಶ್ರೇಣಿ (Salary Scale): ಈ ಹುದ್ದೆಗಳಿಗೆ ಆಯ್ಕೆಯಾದ ಅಭ್ಯರ್ಥಿಗಳಿಗೆ ಆರಂಭಿಕ ಮಾಸಿಕ ವೇತನ ಮೂಲ ಶ್ರೇಣಿ ₹37,500 ರಿಂದ ₹76,100/- ಇರುತ್ತದೆ. ಇದರೊಂದಿಗೆ ಸರ್ಕಾರದ ಇತರೆ ಭತ್ಯೆಗಳು ಸಿಗಲಿವೆ. ಪಿಯುಸಿ (PUC) ವಿದ್ಯಾರ್ಹತೆಗೆ ಲಭ್ಯವಿರುವ ಅತ್ಯುತ್ತಮ ಮತ್ತು ಭದ್ರವಾದ ಸರ್ಕಾರಿ ವೇತನ ಇದಾಗಿದ್ದು, ಇದು ನಿಮ್ಮ ಹಾಗೂ ನಿಮ್ಮ ಕುಟುಂಬದ ಆರ್ಥಿಕ ಭದ್ರತೆಯನ್ನು ಖಚಿತಪಡಿಸುತ್ತದೆ.
• ತರಬೇತಿ ಅವಧಿ: ನೇಮಕಾತಿ ಹೊಂದಿದ ಸಿಬ್ಬಂದಿಗಳು ಪೊಲೀಸ್ ತರಬೇತಿ ಶಾಲೆಗಳಲ್ಲಿ 9 ತಿಂಗಳ ಮೂಲ ಬುನಾದಿ ತರಬೇತಿಯನ್ನು ಕಡ್ಡಾಯವಾಗಿ ಪಡೆಯಬೇಕು ಮತ್ತು ಪರೀಕ್ಷೆಯಲ್ಲಿ ಉತ್ತೀರ್ಣರಾಗಬೇಕು.ಈ 9 ತಿಂಗಳ ಕಠಿಣ ತರಬೇತಿಯು ನಿಮ್ಮನ್ನು ಕೇವಲ ದೈಹಿಕವಾಗಿ ಮಾತ್ರವಲ್ಲದೆ, ಮಾನಸಿಕವಾಗಿಯೂ ಓರ್ವ ದಕ್ಷ ಮತ್ತು ಶಿಸ್ತಿನ ಪೊಲೀಸ್ ಅಧಿಕಾರಿಯನ್ನಾಗಿ ರೂಪಿಸುತ್ತದೆ.
• ಖಾಯಂಪೂರ್ವ ಅವಧಿ (Probationary Period): ನೇರ ನೇಮಕಾತಿ ಹೊಂದಿದವರು 2 ವರ್ಷ 6 ತಿಂಗಳ ಕಾಲ ಖಾಯಂಪೂರ್ವ ಅವಧಿಯಲ್ಲಿ ಕರ್ತವ್ಯ ನಿರ್ವಹಿಸಬೇಕಾಗುತ್ತದೆ. ಈ ಅವಧಿಯಲ್ಲಿ ನಿಮ್ಮ ನಡತೆ, ಶಿಸ್ತು ಮತ್ತು ಕಾರ್ಯಕ್ಷಮತೆ (Performance) ಇಲಾಖೆಯ ದೃಷ್ಟಿಯಲ್ಲಿ ಬಹಳ ಮುಖ್ಯವಾಗಿರುತ್ತದೆ ಎಂಬುದನ್ನು ನೆನಪಿನಲ್ಲಿಡಿ.
• ಪಿಂಚಣಿ: ಇವರಿಗೆ ಸರ್ಕಾರದ ನೂತನ ರಾಷ್ಟ್ರೀಯ ಪಿಂಚಣಿ ಯೋಜನೆ (NPS) ಸೌಲಭ್ಯ ಅನ್ವಯವಾಗುತ್ತದೆ.ಇದು ನಿಮ್ಮ ವೃತ್ತಿಜೀವನದ ನಂತರದ ನಿವೃತ್ತಿ ಜೀವನಕ್ಕೆ ಉತ್ತಮ ಆರ್ಥಿಕ ಆಧಾರವಾಗಲಿದೆ.
  👉 ಅರ್ಜಿ ಸಲ್ಲಿಸಲು ಇಲ್ಲಿ ಕ್ಲಿಕ್ ಮಾಡಿ